Antonio Vivaldi : Diferéncia entre versions

m
== Vita ==
[[Imatge:San Giovanni Battista in Bragora Venezia.jpg|200px|thumb|left|San Giovanni Battista in Bragora, la glèisa on Vivaldi e ho batejat]]
Vivaldi que ho batejat de d'òra a casa e per la mairolèra per'mor d'estar en "dangèr de mort". Que's discuteish enqüèra s'aqueth dangèr e's referia au [[tèrratrem]] qui segotí [[Venècia]] aqueth dia o s'èra per'mor de la soa santat flaca (qu'avèva ua "estretor de piet", çò qui volèva certanament díser qu'èra bohabrac). La mair, Camilla Calicchio, qu'èra hilha d'un sarto e lo pair, Giovanni Battista Vivaldi, qu'era barbèr e violonista e que jogava a la [[Basilica de Sant Marc]]. Qu'ensenhè lo [[violon|vriulon]] au petit Antonio e lèu, que joguèn amassas ; ambs que demorèn hèra pròches dinc a la mort de Giovanni Battista en [[1736]], pauc d'annadas abans la deu quite Antonio. Que's cred que Vivaldi e ho tanben aprenenedís de [[Giovanni Legrenzi]], lo gran compositor venecian deu moment. [[Imatge:Antonio Vivaldi.jpg|200px|thumb|left|Pertrèit de Vivaldi (gravadura de François Morellon de La Cave)]]De d'òra (au torn deus dètz ans), que ho destinat a estar prèste (durant la soa vita, e tanben per'mor de la color deu son peu, que l'aperèn lo '''Prèste Ros'''), ua causida mei que mei interessada puish qu'atau que podó víver de e per la musica. Que s'ordinè en [[1703]], a l'atge de vint e cinc ans. Vivaldi non hore pas jamei un prèste deus seriós ; a còps que deishava de díser la messa entà s'anar notar ideas musicaus e que pretextè de la soa santat entà haut o baish non pas jamei díser la messa. Los sons enemics (enter los quaus be cau mentàver [[Tomaso Albinoni]], autor deu panflet antiVivaldi, ''Il Teatro alla Moda'') que l'acusèn quitament d'aver ua vita amorosa en contradiccion dab los sons vòts. En [[1706]] que deishè d'estar prèste e que vadó ''maestro di violino'' de l'orfalinat ''Pio Ospedale della Pietà''. [[Imatge:Teatro alla moda.jpg|200px|thumb|''Il Teatro alla Moda'', violent panflet anti Vivaldi]]Qu'èra ua famosa institucion veneciana qui educava gojatas, qui las ensenhava la musica en bèth apitar concèrts hèra presats. Los toristas ([[Jean-Jacques Rousseau]] ne ho un d'eths) que las anavan escotar (e sonque escotar, puish que non las podèvan pas véder). [[Imatge:Vivaldi caricature.png|200px|thumb|left|Caricatura de Vivaldi per[[Pier Leone Ghezzi]]]]A còps, los venecians rics que s'i anavan cercar molhèr. Aqueth emplècemplec b'èra hèra prestigiós e que balhè a Vivaldi lo parat de compausar per ua bona orquèstra dab ua grana varietat d'instruments. A maugrat de las rivalitats, Vivaldi que ho presat en Euròpa sancèra, per d'autes compositors com [[Johann Sebastian Bach]], peu Papa e peu rei d'[[Àustria]]. Que viatgè hèra e cada còp que demandè ua autorizacion a l'Ospedale della Pietà qui, cada còp, li tornè lo son emplècemplec au son retorn a Venècia.
 
Vivaldi que s'anava justament cercar un tribalh a la cort de Viena, quan lo rei, lo son admirator, e's morí. Qu'ei atau qui lo gran musician e s'estupè en [[1741]], luenh de casa e dens lo praubèr. La legenda vivaldiana que perpausa qu'un mainatge de nau ans, [[Josèp Haydn]], qu'auré cantat peu defunt. S'aquò n'ei pas brica segur, que n'auré avut lo parat.
57 567

cambiaments