Sa construccion, començada en [[1273]], achabèt en [[1888]] emb lo restachament dau [[clochier]] d'origina romana a la nau.
La construccion comencet per lo còr caracteristic dau gotic radiant dau [[segle XIII]] que fuguet restachat a la nau romana. Las òbras s'interrompèren un primierprumier còp en [[1327]] per la manca d'argent. En [[1378]], s'elevèren la chapela de Sant Marçau e una part dau transepte nòrd, e se refortiguet lo clochier roman per una maçonariá considerabla ; quauques ans pus tard, fuguet lo torn dau transepte sud. Entre [[1458]] e [[1499]], apres la [[Guèrra de Cent Ans|Guerra de Cent Ans]], fuguèren bastidas las doas primieras travadas de la nau. Entre [[1516]] e [[1541]], Joan de [[Lanjac]] faguet bastir lo transepte e lo portau de Sant Joan, òbra mestra lemosina dau gotic flamejant. Mas la construccion se repausèt emb la mòrt de l'evesque e las tres travadas de la nau que religan l'egleisa au clochier de la catedrala romana fuguèren elavadas a la fin dau [[segle XIX]].
