[[Fichièr:Cotan-cartuja-santos pedro y pablo.jpg|right|250px|thumb|{{Cita|Apòstols Pèir e Pau}} per Sánchez Cotán]]
A costat de la sala de minjar dens losdeus monastèris que's tròba ua petita sala dab ua hont on los monges e's lavan las [[man]]s abans de minjar en tant qui recitan lo psalm ''De profundis clamavi ad Te, Domine...'' (De las pregondors que clamèi vèrs Tu, Sénher...). La sala d'aqueste monastèri (ara shens hont) qu'ei ondrada d'un retaule suus {{Cita|Apòstols Pèir e Pau}} pintrat au [[clarescur]] per Sánchez Cotán (per'mor aquesta sala que's apèra la {{Cita|Sala deus sents Pèir e Pau}}), e d'autes tablèus deu medish autor sus scènas de la construccion de la purmèra chartrosa, la {{Cita|Senta Fàcia}}, {{Cita|Dus avesques de l'Òrdi}} e {{Cita|Nosta Dauna dab l'[[Enfant]]}}. Aquesta pèça [[gotic]]a qu'èra la capèra deu monastèri dinc a la construccion de la [[Glèisa (edifici)|glèisa]]. Puish, que ho emplegada com capítol de hrairs laïcs. Los arcs en heishèus de colomnas petitas que s'i redusen a ua sola qui acaba a bona hautor deu sòu. L'autar qu'ei presidit per un tablèu d'autor desconegut. Aus costats, {{Cita|Nosta Dauna balhant la popa a l'Enfant}} e {{Cita|Nosta Dauna dab lo Crist Mòrt}}. Los autes que son de Vicente Carducho e que representan scènas restacadas a la vida e a la mòrt de Sent Brunon e de Sent Uc.
La sala capitulara qu'ei la pèça on los monges e s'amassavan entà deliberar suus ahars da la comunautat. La pòrta d'entrada, remarcabla peus ornaments e claus de [[bronze]], qu'ei l'òbra deu hrair laïc Juan Martín, com las autas deu [[claustre]]. La vòuta qu'a influéncias [[gotic]]as. Los tablèus qui ara ondran las parets que son de Carducho : {{Cita|Aparicion de Nosta Dauna a Sent Brunon dens lo lièit de mòrt}}, {{Cita|Aparicion de Nosta Dauna a hrair Juan Fort}} e divèrses martiris de monges a las mans de turcs e d'uganauds.
