Elisabèt I d'Anglatèrra : Diferéncia entre lei versions

Filha del rei [[Enric VIII d'Anglatèrra]] e d'[[Anna Boleyn]], Elisabeta foguèt la cinquena e darrièra representanta de la dinastia de [[Ostal Tudor|Tudor]]. Declarada illegitima après l'execucion de sa maire, foguèt pasmens restablida dins los seus dreches al tròn pel Parlament en [[1544]]. A la mòrt d'Enric VIII, èra pas que la tresena dins l'òrdre de succession a la corona. En [[1554]], foguèt empetegada dins un complòt e empresonada, abans de se retirar a Hartfield House. Las mòrts successivas de son frairastre, [[Edoard VI d'Anglatèrra|Edoard VI]], puèi de sa sorrastra ainada, [[Maria I d'Anglatèrra|Maria I]], li permetèron d'accedir al tròn en novembre de [[1558]] per un regne de 45 ans. E mai que Maria I, catolica ferventa, s'opausèt longtemps a çò qu'Elisabeta li succediguèsse, moriguèt mentre que la futura reina èra gardada en residéncia susvelhada. Foguèt coronada a l'[[Abadiá de Westminster]] a [[Londres]], lo [[15 de genièr]] de [[1559]] per [[Owen Oglethorpe]], evesque de [[Carlisle]]. Son accession al tròn marca lo començament d'un periòde màger, qualificat d'''elisabetenc'', que l'Anglatèrra va s'i va enauçar al reng de poténcia coloniala.