Sèrgi Javaloyès : Diferéncia entre lei versions

'''Sèrgi Javaloyès''' qu'ei neishut a [[Oran]] ([[Argeria]]) en [[1951]]. Repatriat en França com èra mainatge, qu'arrecoteish tà [[Nai]] on descobreish la lenga [[occitan]]a qui, mei tard, aprenerà e n'aurà de cès de promòver.

 

Qu'ei titular d'ua mestria de [[geografia]] e d'un DEA suus Capdèths de Gasconha dens la literatura francesa. Qu'a tribalhat dens bèras uas collectivitats locaus e qu'ei a l'òra d'ara director de l'[[Institut Occitan]] de [[Pau]]. Qu'ei tanben membre deu Conselh Economic e Sociau de la Region d'[[Aquitània]].

Sèrgi Javaloyès n'ei pas deus escrivans classics: gran legedor de literatura americana, qu'a entà influéncias màgers [[William Faulkner]], [[John Steinbeck]] o [[Henry Miller]], e qu'a gran admiracion tanben entà [[André Malraux]] o lo son compatriòta oranés [[Albert Camus]]. Dab aquera formacion, non podè entrar en literatura que dab la volontat aganada de modernizar, d'esprovassar la pròsa bearnesa enqüèra marcada peu Felibritge, e qui d'alhors n'avè pas produsit nat roman despuish decennias.

 

 

Que publica tanben en francés, ''Garbura'' (ed. In 8, 2005) e que tien ua cronica setmanèra a ''La République des Pyrénées'' on ensaja de har soscar sus l'anar deu monde, la politica exagonau e los aspèctes negatius deu centralisme politic e culturau.

Qu'a militat longtemps a [[Calandreta]] on estó estat copresident de la Confederacion Occitana. A l'òra d'ara, que hè anar la revista e las edicions [[Reclams]] dont ei director.

==Ligam extèrne==