Ausiàs March : Diferéncia entre lei versions

Se sap que la poesia [[Trobador|trobadoresca]] exprimissiá de sentiments en seguir las nòrmas de "l'[[amor cortés]]" per çò qu'es del contengut, e per una [[retorica]] brilhanta pasmens pro falsa, vuèja e distanta per çò qu'es de la forma: lo fach d'escriure en [[occitan]] n'es un indici e lo fach de signar las poesias amb un pseudonim, un autre. S'arriba doncas a Ausiàs March (que signa sos poèmas per "Jo sóc aquell que em dic Ausiàs March"), qu'escriviá ja en valenciancatalan, per se desfar dels motles de la poesia trobadoresca amb l'expression de l'intima meditacion personala d'un òme-poèta que apareis, despolhat de tota ficcion, dispausat a nos parlar de çò que l'obsedís: l'[[amor]], las relacions de l'òme amb [[Dieu]], la [[mòrt]] e l'[[etica]]. Aquestes problèmas son de problèmas de la vida vidanta, personals, coma tanben las femnas que i apareisson (pas mai de "midons") que son pas mai de Beatritz ni de Lauras, distantas e [[Platon|platonicas]] - d'idèas puras amb un nom pròpri- mas al contrari de femnas de carn e òsses que aiman o pas e que son aimadas o odiadas per de rasons concrètas e non pas per tòca d'idealizacion.

Ausiàs March es un òme de letras plan presat dins la literatura valencianacatalana [[Edat Mejana|medievala]]. Sens emetre cap d'objeccion a sa qualitat literària, aqueste critèri es apiejat pels arguments seguents:

*Pel fach que foguèt un poèta fòrça legit, e l'influéncia que portèt en çò de poètas espanhòls coma [[Garcilaso de la Vega]], [[Diego Hurtado de Mendoza]], e d'autres... A mai, se considèra que tota la poesia en valenciancatalan del sègle XVI es una mena d'ensag d'imitar son òbra.