Qu'a ua longor de mila sheis cents vint [[quilomètre]]s. Que neish a l'oèst de la cadea montanhòla [[volcan]]ica deu Gran Khingan dens la region autonòma de la Mongolia Interiora au nòrd-èst de [[Republica Populara de China|China]]. Lo son cors superior situat completament en China qu'ei conegut devath lo nom de ''Hailar He'' (拉尔河, {{Cita|arriu Hailar}}); que i trauca ua region arida e de l'[[estèpa]] adaigant las vilas de Xiguit Qi e de [[Hailar]]. Arron que passa au ras de l'[[Estanh de Hulun]]. Non luenh de la vila de [[Manchoria (vila)|Manchoria]] que torna vèrs lo nòrd-èst en començant la termièra naturau enter China e Russia sus nau cents quaranta quate [[quilomètre]]s. Lo junhent dab Shilka entà dar neishença a [[Amor (arriu)|Amur]] qu'a lòc a seishanta cinc quilomètres a l'oèst de Xilinji, [[capitau]] deu ''xian'' de Mohe ([[Heilongjiang]]). Lo son bacin qu'a ua [[Aira|superfícia]] de cent seishanta quate mila quilomètres carrats.
