Vescomtat de Dacs : Diferéncia entre lei versions

Las tèrras d'[[Vescomtat d'Auloron|Auloron]], [[Tursan]], Dacs, [[País d'Òrta|Òrta]] e [[Gavardan]] dab títol vescomtau (vescomte de Gasconha) qu'estón eretadas en [[977]] per Aner, lo hilh deu [[Lista dels comtes e ducs de Gasconha|comte de Gasconha]] Sanç IV, mes totun e pareish que ja las governava abans. Aner que's morí vèrs [[978]] e que dividí los sons maines enter los sons tres hilhs: Sanç, qui arrecebó la Vescomtat de [[Tursan]]; Donat, qui arrecebó la Vescomtat de [[Gavardan]]; e Lop, qui arrecebó la [[Vescomtat d'Auloron]]. Lop que's morí vèrs [[985]] e que partegè los sons maines enter dus hilhs: Aner, qui arrecebó [[Vescomtat d'Auloron|Auloron]]; e Arnaut, qui arrecebó Dacs e [[País d'Òrta|Òrta]]. Lo son hilh Garcia Arnaut que contunhè hens las duas vescomtats e que's morí abans de [[1061]], qui comença un periòde mau coneishut; que pareish qu'estó succedit peu son hilh Arnaut II e que lo son aute hilh Lop Garcia qu'estó au començament vescomte d'Òrta e dilhèu e succedí au son hrair e que vèrs [[1065]] la Vescomtat tornar unificada qu'estó dividida enter los sons dus hilhs: Raimon I, qui arrecebó la Vescomtat de Dacs; e Garcia, qui arrecebó la Vescomtat d'Òrta. Raimon I qu'estó succedit peu son hilh Arnaut III, e aqueste per la soa hilha Geralda I (qui avèva dilhèu dus ans). La vescomtessa que's maridè vèrs [[1100]] dab Pèir Arnaut (coneishut com Arnaut Dat o Dat Arnaut), senhor d'[[Ostabarret]], qui apartienèva a ua linha collaterau de la familha. QueGeralda que's morí en [[1140]] e qu'estó succedida peu son hilh Raimon II e aqueste peu son hilh Pèir II. Pèir que deishè sonque ua hilha, Navarrina, qui avèva dilhèu sèt ans; passats los vint que's maridè dab lo vescomte de Tartàs Arnaut Raimon III e la Vescomtat de Dacs que passè atau a la [[Vescomtat de Tartàs]].