La '''capoeira''' es una mena d'[[art marcial]]a [[Brasil|brasilianabrasilièra]] que tròba sas rasics dins los metòdes de combat e las danças dels pòbles [[Africa|africans]] al temps de l'esclavatge a [[Brasil]]. Es una barreja d'espòrt, de lucha, d'art marciala e un element important de cultura populara d'aqueste país. Se situa l'origina d'aquelas tecnicas de dança e lucha en [[Angòla]] o a [[Mozambic]], que totes dos païses foguèron de colonias [[Portugal|portuguesas]]. Una forma semblanta tant dins los gèstes que dins los ritmes se coneis e practica dins l'ensems de l'[[Ocean Indian]] jol nom de [[Moringue]] dempuèi fòrça sègles. La capoeira es una Art marciala que vòl un emplec frequent dels pès per encausa que las mans dels esclaus èran encadenadas. Quand comencèt la capoeira sos movements èran plan pròches del sòl (se copiavan los movements dels animals) pasmens tre l'arribada dels pòbles d'orient que portavan amb eles sas tecnicas pròprias de combat la capoeira desvolopèt los còps de pè e maitas acrobacias.
Etimologicament, lo mot ''capoeira'' designa l'endrech ont s'engabiavan conilhs e galinas. Per extension venguèt designar lo luòc ont èran embarrats los esclaus pendent la dominacion portuguesa.
