Merodach-Baladan II : Diferéncia entre lei versions

'''Merodach-Baladan II''' (tanben dich '''Marduk-apla-iddin II''', '''Marduk-Baladan''' e '''Berodach-Baladan''') foguèt un rèi dau [[Babilònia (reialme)|reiaume de Babilònia]]. Aprofichèt la mòrt de [[Salmanazar V]] per prendre lo poder a Babilònia. Reinèt un premier còp vèrs [[-722|722]]-[[-710|710 aC]]. Pasmens, en 710 aC, après de campanhas a l'oest de la Mesopotamia, lo rèi assirian [[Sargon II]] attaquèt Babilònia e Merodach-Baladan II s'enfugiguèt vèrs l'Elam. En [[-703|703 aC]], Sargon II moriguèt e Merodach-Baladan II cacèt lo rèi nomat per leis Assirians. Venguèt tornarmai rèi de la vila per mens d'una annada. D'efèct, [[Sennacherib]] vencèt aquela revòuta e nomèt un fidèu, [[Bel-Ibni]], per dirigir lo reiaume. Dins aquò, Merodach-Baladan II entraïnèt una insurreccion novèla dins lo sud de la Mesopotamia e Bel-Ibni lo ragantèt. Desfach en [[-700|700 aC]], tornèt en [[Elam]].