Johannes Kepler : Diferéncia entre lei versions

|+ <big><big>'''Johannes Kepler'''

|-

|-

!align=right|Profession:

Obtenguèt lo sieu diplòma de fin d’estudis e intrèt en [[1589]] a l’[[Universitat de Tübingen]]. Ailà, estudièt primièr l’[[etica]], la [[dialectica]], la [[retorica]], lo [[grèc (lenga)|grèc]], l’[[ebrieu]], l’[[astronomia]] e la [[fisica]], puèi la [[teologia]] e las [[sciéncias umanas]]. I seguiguèt los sieus estudis aprèp l'obtencion d’una [[mestresa]] en [[1591]]. Lo professor sieu de [[matematicas]], l’[[astronòm]] [[Michael Maestlin]], li ensenhèt lo [[sistèma eliocentric]] de [[Copernic]], çò que reservava sonque als sieus estudiants melhors, los autres se devián contentar del [[Geocentrisme|sistèma geocentric]] de [[Claudi Ptolemèu|Ptolemèu]], que plaçava la [[Tèrra]] al centre del [[Mond (univèrs)|mond]]. Kepler venguèt atal un copernician convençut e restèt plan pròche del sieu professor; esitèt pas a li demandar ajuda o conselhs pels sieus trabalhs.

 

Del temps que Kepler èra a envisatjar de venir ministre luterian, l’escòla protestanta de [[Graz]] demandava un professor de matematicas. Alavetz abandonèt los sieus estudis en teologia per prene l'emplec e partiguèt de Tübingen en [[1594]]. A Graz, publiquèt d'[[almanac]]s amb prediccions [[astrologica]]s. En aquel temps, la distincion entre [[sciéncia]] e [[cresença]]s èra pas encara clarament establida e lo movement dels astres, encara pro malconegut, se pensava governat per las leis divinas.