Nuèit : Diferéncia entre lei versions

[[Imatge:Näcken och Ägirs döttrar (Nils Blommér).jpg|thumb|300px|La nuèit es un luòc e moment de mistèri e de tremor, pels romantics del sègle XIX (Quadre de Nils Blommér, 1850)]]

 

 

== Fisica ==

Sus la [[Tèrra]], la nuèit, al sens tradicional, còbre a tot instant una mitat de la planeta. Atal se que fa nuèit sus una mitat de la planeta fa [[jorn]] sus l'autra mitat. A causa de la rotacion de la Tèrra a l'entorn de son [[ais]], fa alternativament jorn e nuèit, los dos formant una jornada de 24 oras. Las nuèits son encara pus longas en [[ivèrn]] e pus cortas en [[estiu]] qu'òm se rapròcha dels pòls. A l'entorn dels [[equinòcci]]s de [[prima]] e d'[[automne]], lo jorn e la nuèit son exactament de meteissa durada. Los [[solstici]]s d'estiu e d'ivèrn marcan respectivament la nuèit pus corta e la nuèit pus longa de l'annada.

 

Mas se se nomena ''nuèit'' l'interval durant que l'escuritat es totala, es lo periòde ont l'intensitat de la lutz solara difusada per las nautas jaças de l'atmosfèra es inferiora a la luminositat intrinseca de las [[estela]]s. Aquel interval es separat del falit del [[Solelh]] pel [[crepuscul]] e de sa sortida per l'[[auba]].

 

L'escuritat pòt èsser pas totala o existir gaireben pas a l'entorn del solstici d'estiu quand se rapròcha dels pòls. En efèit la durada de la nuèit vària segon la sason mas tanben segon lo luòc ont sèm. D'ont mai sèm prèp del [[Pòl Nòrd]] o del [[Pòl Sud]], d'ont mai la durada de las nuèits vària. A l'[[Eqüator terrèstre|eqüator]] nuèit e jorn son totjorn egals. En fach, aprèp l'equinòcci, las diferéncias de durada entre lo jorn e la nuèit càmbian pus rapidament als pòls que dins las regions situadas entre lo [[tropic del Càncer]] e lo [[tropic del Capricòrn]]. Atal, dins l'[[emisfèri nòrd]], [[Danemarc]] a de nuèits pus cortas qu'[[Índia]], en junh par exemple. Dins l'[[emisfèri sud]], l'[[Antartic]] a al meteis moment (en junh), de nuèits pus longas que [[Chile]]. Los dos emisfèris coneisson los meteis modèls de durada de la nuèit en foncion de lor [[latitud]] mas amb de cicles inversats, descalats de sièis meses : un emisfèri a doncas de nuèits longas (ivèrn) pendent que l'autre gausís de nuèits pus cortas (estiu).

 

 

== Biologia ==

(..)

 

Pendent longtemps, la nuèit foguèt considerada coma un periòde de repaus, l'abséncia de lutz empachant tota activitat. Se sap uèi que lo [[sòm]] es indispensable per la santat e que l'alternança jorn/nuèit regula la produccion de [[melatonina]], [[ormona]] essenciala per gaireben totes los organismes animals, que sincroniza en particular lo [[relòtge biologic]] dels organismes a la sason. D'espècias animalas dichas « nocturnas » son activas solament la nuèit.

 

L'uèlh animal, mercé a de [[Cellula (biologia)|cellulas]] en bastonets de la [[retina]], pòt aprèp qualques minutas (10-15 min per l'uèlh uman) s'adaptar a la nuèit. A mai sens lutz artificiala, es possible de viatjar o trabalhar de nuèit amb la [[Luna]] (clar de luna prèp o al tresluc).

 

=== Psicologia e simbolica ===

La nuèit ten una granda importància dins totas las [[civilizacion]]s. Unes pòbles [[animista]]s interdison a lors membres de sortir del [[vilatge]] la nuèit, salva per ceremonias especilas, d'[[iniciacion]] per exemple. D'unas [[tribú]]s ameríndianas, en plena [[jungla]] [[amazonian]]a, pareisson pas aver de paurs non rasonada la nuèit. Endacòm mai, es lo reialme dels [[esperits]] e dels [[gèni]]s que i a d'evitar de destorbar.

[[Psicològ]]s e [[psicanalista]]s tenon que sonhar las angoisses, cachavièlhas o fòbias nocturnas generalament ligadas amb des traumatismes mai o mens alunhats.

 

La descobèrta del [[fuòc]], l'utilizacion d'entòrchas, de bogies puèi pus tard de l'[[electricitat]] regetèron los limits de l'escuritat. La [[lutz]] artificiala permet als òmes de desvolopar las activitats nocturnas que constituisson uèi una part de las economias de fòrça païses, mas amb de consequéncias per l'[[environament nocturne]]. L'illuminacion de las vilas es tala qu'empacha de veire las [[estela]]s e pòt destorbar la natura, l'alternança jorn-nuèit existís gaireben pas pus dins las grandas metropòlis.

 

[[th:กลางคืน]]

[[uk:Ніч]]

[[wo:Guddi]]

[[yi:נאכט]]