L'emplec corrècte d'aquest minerau comencèt au [[millenni II abC]]. Leis [[Itita]]s foguèron lo primier reiaume organizat que controtlèt sa produccion.
L'expansion de la coneissença sus l'emplec dau fèrre se produtz probablament dempuei [[Iran]] a travèrs de [[Caucàs]]. A aquela epòca se produson de cambiaments importants: leis empèris orientaus s'afeblisson e lei centres de poder se desplaçan vèrs l'[[Occident]]. AtauAntau, l'Edat dau Fèrre es caracterizada per l'utilizacion dau fèrre coma [[metau (matèria)|metau]], utilizacion importada de l'[[Orient Mejan]] a travèrs de l'emigracion de tribús indoeuropèas (cèltas), qu'a partir de 1200 aC començan d'arribar en [[Euròpa Occidentala]] e lo sieu periòde va fins a l'epòca [[Empèri Roman|romana]] e en [[Escandinàvia]] fins a l'epòca [[viking]]a (al torn de 1000). L'expansion bantó, de 500 abans l'èra crestiana, arribèt rapidament gràcias a la tecnologia dau fèrre. Lei limits cronologics de l'Edat dau Fèrre varian considerablament segon l'airau culturau e l'airau geografic. Au delà, mai d'una civilizacion coneguèt jamai l'Edat dau Fèrre maugrat qu'aguèsse experimentat un desvolopament sociau e/o tecnic important (per exemple, lo cas dei civilizacions precolombinas).
