Lo '''Neolitic''' (del [[grèc (lenga)|grèc]] νέος, ''néos'' '{{cita|novèl'}}, e λίθος, ''líthos'' '{{cita|pèira'}}) es un periòde de la [[preïstòria]] que i aguèron luòc d'innovacions d'una importància granda: los èssers umans descobriguèron l'[[agricultura]] e l'[[elevatge]] e venguèron sedentaris. Aquel tèrme foguèt prepausat en [[1865]] per l'istorian John Lubbock. Lo nom fa referéncia a la manièra novèla de trabalhar las aisinas de pèira, qu'en mai d'èsser percutidas, son tanben bèlas. Aquela foguèt una epòca de cambiaments [[Economia|economics]], coma l'aparicion de l'[[excedent de produccion]], socials e culturals. Aquel periòde long se devesís generalament en tres fasas: lo neolitic inicial, lo mejan e lo final.
Après d'epòcas longas de [[clima]] fòrça fred venguèron de sasons de clima caud que comportèron la creacion de terrassas fluvialas, l'elevacion del nivèl de l'aiga de la [[mar]] e dels [[riu]]s... Las principalas innovacions tecnicas son la generalizacion de l'utillatge de pèira polida e del vas de ceramica. Dins cèrtas regions, aquestes importants cambiaments son relativament rapids e mai d'un autor a pogut parlar de revolucion neolitica. La neolitizacion es ça que la un fenomèn progressiu, subrevengut a datas desparièrasvariablas segon las regions. En [[Orient Mejan]], lo Neolitic comença al torn de 9000 abans l'èra crestiana. S'acaba amb la generalizacion de la [[metallurgia]] e l'invencion de l'[[escritura]], al torn de 3300 abC.