Gra Celsius : Diferéncia entre lei versions
Creacion de la pagina amb « thumb|[[Termomètre en gra Celsius]] Lo '''gra Celsius''' (simbòl '''°C''') es l’unitat de l’esca... » |
(Pas cap de diferéncia)
|
Version del 4 febrièr de 2010 a 19.27
Lo gra Celsius (simbòl °C) es l’unitat de l’escala de temperatura Celsius. Es una unitat derivada, introducha en 1948[1], dau Sistèma Internacionau d'Unitats[2]. Son nom fa referéncia a l’astronòm e fisician suedés Anders Celsius, inventor en 1742 d’una dei premiereis escalas centigradas de temperatura.
Definicions: l'escala Celsius de temperatura e son unitat, lo gra Celsius
L'escala Celsius t es definida per la diferéncia t = T-T₀ entre doas temperaturas termodinamicas (en K) T e T₀ ont T₀ = 273,15 K[3].
L’unitat de temperatura Celsius es lo gra Celsius (simbòl °C), egau en magnitud a l’unitat kelvin per definicion[3] : per exprimir una diferéncia de temperatura, leis unitats «kelvin» e «gra Celsius» son equivalentas e un interval de temperatura en gra Celsius o en kelvin a la meteissa valor: la diferéncia 37 (°C) - 25 (°C) = 12 °C = 12 K. Mai lei doas escalas de temperatura son pas equivalentas: 0 °C = 273,15 K.
Lo gra Celsius es una unitat de l’Escala Internacionala de Temperatura.
Diferéncia entre l'escala Celsius e l’escala centigrada
L'escala Celsius es definida per un sol ponch fixe de 0 °C a 273,15 K[4] (qu'es la temperatura de fusion de l’aiga) e una unitat qu'a la meteissa valor que l'unitat de la temperatura termodinamica en kelvin.
Autrament dich, l’escala Celsius es pas estrictament definida per la temperatura d’ebullicion de l’aiga a 100 gras sota una pression d’una atmosfèra au nivèu de la mar. Cette definicion es la dau gra centigrad. Pasmens, la diferéncia relativa es fòrça febla, 1/4000, la temperatura d’ebullicion de l’aiga estent de 99,975 °C[5].
Istoric
Es a la 9a Conferéncia Generala dei Pes e Mesuras (CGPM), en 1948, que lo Sistèma Internacionau, entre lei tres tèrmes « gra centigrad », « gra centesimau », e « gra Celsius » chausiguèt lo darrier.
Lo gra Celsius es la sola unitat metrica que son nom compòrta una majuscula. Se li aplica normalament lei prefixes dau Sistèma Internacionau; se pòt, per exemple, parlar de « milligra Celsius (simbòl m℃) ».
Nòtas e referéncias
- ↑ [http://www.bipm.org/en/committees/cipm/cipm-1948_fr.html BIPM - 1948
- ↑ [http://www.bipm.org/fr/si/si_brochure/chapter2/2-2/table3.html BIPM - tablèu 3
- ↑ 3,0 et 3,1 [http://www.bipm.org/fr/si/si_brochure/chapter2/2-1/kelvin.html BIPM - kelvin
- ↑ [http://www.bipm.org/fr/CGPM/db/9/3/ BIPM - Résolution 3 de la 9e CGPM
- ↑ (en) About temperature