|
[[ImageFichièr:Staphylococcus aureus (AB Test).jpg|thumb|right|250px|Antibiograma amb Staphylococcus aureus]]
Un '''antibiotic''' (del [[grèc (lenga)|grèc]] ''anti'' : contra, et ''bios'' : vida) es una substància quimica capabla, a bassa concentracion, d'inibir lo creissement de [[microorganisme]]s o de los eliminar.
Generalament, los antibiotics agisson sus las [[bacteria]]s, e qualqu'uns tanben sus cèrts [[virus]] de granda dimension, o sus de [[cellula]]s d'individús [[pluricellular]]s, [[animal]]s o [[vegetal]]s, en provocant d'alteracions o de la [[paret cellulara]], o de la membrana protoplasmatica, o de la [[sintèsi proteïca]], o del [[metabolisme]] dels [[acid nucleïc|acids nucleïcs]]... Los antibiotics son mai o mens tòxics per las cellulas umanas o las dels organismes superiors. Aquela toxicitat oscilla entre de valors força elevadas ([[actinomicina]]) e de valors infimas ([[penicillina]]).
Los antibiotics de toxicitat bassa e mejana, pòdon èsser emplegat en terapeutica per fòrça malautiás causadas per de microorganismes ([[bacteria]]s mai que mai). Dins cada cas, cal pas delembrar lo marge de toxicitat, e veire fins a quin ponch los avantatges obtenguts amb lo tractament a basa d'antibiotics compensan o supèran las alteracions produsidas per aqueles. Normalament, e dins unes limits rasonables, lo balanç es positiu en favor dels antibiotics. Se parla d'antibiotics amb accion bacteriostatica se se limitan a inibir lo creissement de las bacterias, o bactericida, se arriban a las destruire.
En realitat, lo fach que l'accion siá bacteriostatica o bactericida depend sovent mai de la dòsi que non pas de l'antibiotic emplegat. Segon l'eficacitat d'un antibiotic davant divèrses microorganismes, se li pòt atribuir un espèctre d'accion mai o mens ample. Los antibiotics, evidentament, an revolucionat la terapeutica d'un grand nombre de malautiás. Se pòt dire que totas las malautiás d'etiologia bacteriana rèstan compresas dins las possibilitats terapeuticas d'un antibiotic o d'autre, e solament qualques unas d'origina virala o fongica ne son del tot indiferents. La medecina umana e veterinària consoman la màger part dels antibiotics que son a l'ora d'ara produsits.
Los primièrs antibiotics utilizats èran produches per de microorganismes o resultavan d'una biosintèsi especifica. A l'ora d'ara, la majoritat dels antibiotics son de produches de sintèsi e, constantament, se n'obtenon de nòus amb la fin d'aténher un efièch antiinfecciós mai eficaça e per tal d'eliminar al maximum los efièches segondaris e toxics. Es, a l'ora d'ara, abituala la sintèsi d'analògs de [[molecula]]s [[bioquimia|bioquimicas]] coma los [[aminoacid]]s que los microorganismes confondon a l'ora de sintetizar, de sòrta que genèran solament de [[proteïna]]s que son pas viablas que los menan cap a la mòrt.
== Istòria ==
Lo primièr antibiotic descobèrt foguèt la [[penicillina]] per [[Alexander Fleming]].
== Familhas d'antibiotics ==
* [[Antibiotic betalactamina|Antibiotics betalactaminas]] : [[Penicillina]]s e [[cefalosporina]]s
* [[Aminosid]]s
* [[ciclinas (antibiotics)|CiclinaCiclinas]]s
* [[Fenicol]]s
* [[Macrolid]]s
* [[Polipeptid]]s
* [[Quinolona]]s
[[Categoria:Antibiotic|*]]
[[ja:抗生物質]]
[[kk:Антибиотик]]
[[kn:ಪ್ರತಿಜೀವಿಕ]]
[[ko:항생물질]]
[[la:Antibioticum]]
| 