La presidéncia dins la [[Cinquena Republica]] es la pus nauta foncion de l'[[Estat]]. Ça que la, contràriament als Presidents de la [[Tresena Republica]], los quals èran ailà, segon l'expression consacrada, que per ''inaugurar los crisantèmscrisantèmes'', lo President de la [[Cinquena Republica|V{{ena}} Republica]] dispausa de poders espandits, e la practica del poder fa d'el, fòra periòde de [[coabitacion]], un ''quasi-monarca'' republican. Lo President dispausa en efièch de prerogativas importantas, coma la [[dissolucion]], o de poders constatats per la practica, coma la nominacion del govèrn dins son integralitat o encara la conducha dels afars de l'Estat en fasent del Primièr ministre un "vicepresident". Aqueles poders son pas contrapesats dins lo jòc institucional per una responsabilitat quina que siá davant lo [[Parlament francés|Parlament]] (es a dire per la possibilitat per las doas Cambras de renversar lo President), mas per una responsabilitat ''de fach'' davant lo Pòble.
Dempuèi [[1958]], la durada del mandat del president èra de 7 ans ([[septennatseptenat]]) mas l'acorchiguèron en [[2000]] e lo president es d'ara endavant elegit per 5 ans ([[quinquennatquinquenat]]). Dempuèi un referendum de [[1962]], lo president de la republica es [[França, eleccions presidencialas|elegit]] al [[sufragi universal]] dirècte, uninominal, de dos torns.
En cas d'impossibilitat, constatada pel [[Conselh Constitucional francés|Conselh Constitucional]], d'exercir sas foncions presidencialas, l'interim es assegurat pel president del [[Senat]]. Fins ara, sol [[Alain Poher]] a degut assumir aquel prètzfach dos còps.
