[[Fichièr:Ranakpur temple.jpg|thumb|right|250px|Temple jaïnista a Ranakpur, [[Índia]].]]
Lo '''Jaïnisme''' (en [[sanscrit]] जैन) es una [[religion]] qu'a per origina al sègle VI aC una reforma de l'[[indoïsme]]. Lo mot ''Jaïnisme'' deriva del sanscrit ''Jina'' (victoriós). A aperaquí 6 milions de cresents, principalament en [[Índia]]. Amb fòrça influéncia dins totes los ambits especialament lo cultural. Dins l'aspècte politic es remarcable que Ghandi èra un simpatizant d'aquesta religion. Los principals concèptes del Jaïnisme son los de ''ahimsa'' (non-violéncia) e lo de ''karma''. Considèran l'univèrs coma etèrnetèrne (jamai creat) mas que passa una sèria d'estadis; l'actual seriá de declivi e dins lo darrièr i auriá un tornar començar. Creson que la realitat es compausada per dos principis etèrnes ''Jiva'' (esperit) e ''Ajiva'' (non-esperit: matèria en forma de temps, espaci e movement). Lo contacte entre aquestes dos principis es l'origina del patiment, del qual se pòt pas escapar amb las successivas reencarnacions ni mai amb d'accions bonas. ''Moksha'' es la desliurança qu'implica una evasion del mecanisme de causa e efècte (''Karma'') e sa destruccion. Los dius an capacitat sonque d'influïr, son pas revestits d'omnipoténcia e pòdon pas escapar del cicle vital, en primièr s'an d'encarnar en umans e arribar a monge per tal d'obténer lo ''Moksha''. Per tal de respectar lo concèpte de la non-violéncia en mai de practicar lo vegetarianisme excludisson las altras noiriduras coma la màger part de las rasigas (podriá morir un animal en las arrancant) e l'[[Alh cultivat|alh]] e la [[ceba]] (considerats coma excitants). Procuran non se morir de nueit per amor de non tuar accidentalament cap èsser vivent. Lo còdi moral jaïnista consistís a refusar la violéncia, lo [[mentit]], lo [[panatòri]], la possession e la sexualitat (celibat absolut en cas dels monges). Generalament los laics jaïnistas an de costumas pus libras que los monges. Las doas principalas sectas monacalas del Jaïnisme son los Svetambara que creson en l'egalitat entre sèxes e los Digambara qu'en son contraris (abans la Moksha las femnas se devon encarnar en òme). Se crei que los monges Digambara son los nomenats ''gymnosophos'' (coneisseires de las femnas) pels grècs en temps de l'expedicion en Índia d'[[Alexandre lo Grand]].
