Pandicosa

Pandicosa (aragonés), Panticosa (espanhòu), qu'ei ua comuna deu nòrd d'Aragon situada dens la província d'Òsca e mei precisament dens la vath de Tena.

Vilatges

Paisatge ivernau

• Os Banyos de Pandicosa (aragonés SLA), Os Baños de Pandicosa (en aragonés GO, Baños de Panticosa (espanhòu): qu'ei ua estacion termau situada a 8 km deu centre urban. Qu'ei comunicada dab l'estacion balneària de Cauterèrs en Bigòrra peu passatge tradicionau deu pòrt de Marcadau. Los romans de l'epòca d'August e de Tibèri que i utilizavan las aigas termaus. En 1286 lo rei Peir I d'Aragon que concedí la montanha Plan d'Ibón au quiñón de Pandicosa. Las aigas termaus que demorèn desbrembadas dinc au sègle XVII. En 1826, lo rei Ferrand VII d'Espanha qu'expropriè los banhs au quiñon de Pandicosa e que donèt los drets d'espleita dinc a 1854 a Nicolás Guallart. Los bastiments principaus que son deu sègle XIXau. En 1966 qu'estón declarats d'interès toristic. Las sies hònts termaus que possedeishen proprietats terapeuticas.
• O Pueyo de Tena (aragonés]), Pueyo de Jaca (espanhòu)): situat en riba deu barratge de Bubal, on l'arriu de Caldarés se geta dens l'arriu de Galligo, a 2 km deu centre urban. Que s'i remarcan los ostaus tradicionaus, lo palais de la Biñaza, lo pònt deu Conzellar e la glèisa de Sant Miquèu (d'ua nau, bastida au sègle XVIII suber ua glèisa deu sègle XVIau).

Aragon