Monson : Diferéncia entre lei versions

Contengut suprimit Contengut apondut
Jiròni (discussion | contribucions)
Creacion de la pagina amb « Una '''monson''' es tradicionalament definida coma un vent sasonièr cambiadís accompanhat de precipitacions <ref>Ramage, C., ''Monsoon Meteorology''. International ... »
(Pas cap de diferéncia)

Version del 21 octobre de 2009 a 14.46

Una monson es tradicionalament definida coma un vent sasonièr cambiadís accompanhat de precipitacions [1], mas lo tèrme es emplegat uèi per descriure los cambiaments sasonièr de circulacion atmosferica e de precipitacion[2] Los sistèmas màger de monsons al mond son aqueles d'Africa e d'Asia-Australia. L'inclusion de las monsons nòrd e sud americanas es discutida amor de sos vents parcialament cambiadisses.

Lo tèrme foguèt d'en primièr utilizat en anglés en Índia, Bangladèsh, Paquistan, e dins los païsses vesins per tal de designar los grands vents sasonièrs que bufan de l'Ocean Indian e de la Mar d'Aràbia dins lo sud-oèst en carrejar de pesugas casuda de pluèja dins la region.[3] En Idrologia, se considera qu'una casuda de pluèja es una monson quand se produtz dins una region que recèp la majoritat de sas pluèjas pendent una sason particulara. Aquò daissa la possibilitat que d'autres regions del mond sián dichas region de monson.[4]

Nívols de Monson sus Lucknow, Uttar Pradesh, Índia

Etimologia e definicion

 
Monson dins la sèrra de Vindhya , al centre d'India

Lo mot monson ven de l'arabi mawsim (موسم "sason"). Lo mot d'origina arabi mausam (मौसम, موسم) es tanben lo mot per "temps" en indi, ordo, e mantuna autras lenga del nòrd d'Índia.[5]

La definicion inclutz de sistèmas de vents màger que cambian de direccion sasonièrament.

"Fòrça monsons d'estiu an una compausanta dominanta oèst e una fòrta tendéncia ascendenta e a produire de granda quantitats de pluèja (pr'amor de la condensacion de la vapor d'aiga dins l'aire pujant). L'intensitat e la durada, pasmens, son pas egalas cada an.Las monsons d'ivèrn per contraste an una compausanta dominanta èst e una fòrta tendéncia a divergir, davalar e causar la secada."

Referéncias

  1. Ramage, C., Monsoon Meteorology. International Geophysics Series, Vol. 15, 296 pp., Academic Press, San Diego, Calif. 1971.
  2. Trenberth, .K.E., Stepaniak, D.P., Caron, J.M., 2000, The global monsoon as seen through the divergent atmospheric circulation, Journal of Climate, 13, 3969-3993.
  3. American Meteorological Society Glossary of Meteorology. Monsoon. Retrieved on 2008-03-14.
  4. International Committee of the Third Workshop on Monsoons. The Global Monsoon System: Research and Forecast. Retrieved on 2008-03-16.
  5. «{{{1}}}»