Nòrma mistralenca : Diferéncia entre lei versions

Es l'escrivan [[Josèp Romanilha]] que fondèt aquela nòrma en [[1853]] dins ''La part dau Bòn Dieu [La part dóu Bon Diéu]''. Puèi l'escrivan [[Frederic Mistral]] l'illustrèt e la desvolopèt dins son òbra abondosa, tant en literatura coma en lexicografia, amb un diccionari monumental, ''Lo Tresaur dau Felibritge [Lou Tresor dóu Felibrige]''. Lo [[Felibritge]] adoptèt la nòrma mistralenca a sa fondacion en [[1854]] e, gràcias al succès de Mistral, l'espandiguèt a partir d'un nuclèu provençal dins l'ensems d'[[Occitània]] a la fin del [[sègle XIX]]. Dempuèi la segonda mitat del [[sègle XX]], la nòrma mistralenca a reculat davant la [[nòrma classica]] e uèi se limita sustot al [[provençal]] e al [[niçard]], en concurréncia amb la nòrma classica.