Vastin Lespin : Diferéncia entre lei versions

Contengut suprimit Contengut apondut
Cap resum de modificació
Eòle (discussion | contribucions)
Cap resum de modificació
Linha 1 :
'''Vastin Lespin''' ([[Pau]], lo [[6 de heurèr]] de [[1817]] - Pau, lo [[21 de heurèr]] de [[1897]]- en Francés '''Jean-Désiré''' -Vastin qu'èra lo son chafre- '''Lespy''') qu'ei un deus màgers filològues [[bearn]]és qui, dab l'ajuda deu paleografe e achivista deus Baishs Pirenèus (uei [[Pirenèus Atlantics]]), e harguè un diccionari bearnés e gramaticas bearnesas (ua quitament en [[anglés]]). Que vadó a Pau en çò d'ua familha de sartos. Après estudis de letras que ho professor au licèu de Pau. En [[1858]] que publiquè la soa ''Grammaire Bearnaise'' e que he coneishenças deu son futur amic e collaborator scientific vadut en region parisenca : [[Pau Raimond]].
 
Lo son diccionari titolat ''[[Dictionnaire béarnais ancien & moderne]]'' qu'ei un tribalh apregondit de recèrca lexicografica qui amassa las paraulas trobadas dens los tèxtes bearnés despuish l'Etat Mejana dinc au sons temps e shens ne cambiar la grafia d'origina. Qu'amassa atau las paraulas bearnesas de totas las epòcas e de tots los nivèus de lenga. Qu'ei atau qui mantuas paraulas qu'i son mentavudas dab mantuas versions e,a còps, dab ua fòrma [[ipercorreccion|ipercorregida]]. L'òbra de Lespin que's basa sus ua grana erudicion bearnesa mes tanben ispanisanta e sus la coneishença d'autes parlars e d'autes filològues occitans ; que cita regularament [[Frederic Mistral]] o l'[[abat Savautge]], per exemple, entà illustrar tau o tau paraula bearnesa (o ua varianta pròcha) mentavuda per eths.
 
Que ho considerat com un mèste peus [[Felibritge|felibres]] de l'[[Escòla Gaston Febus]], mes que's morí un an arron de la fondacion de l'associacion. Los felibres que hasón pausar ua placa en aumatge a Lespin suu davant de la maison de Pau on demorè (a la carrèra Manescau Joffre).