Lac de Tiberiàs : Diferéncia entre lei versions

*Longor: 21 km

*Largor: 12 km

Sus la riba oèst del lac foguèt bastida la ciutat de [[Tiberiàs]], a 210 m jos lo nivèl de la mar. Capitala de [[Galilèa]], foguèt fondada e bastida per [[Eròdes Antipas]] en onor de l'emperaire roman [[Tibèri]]. Es uèi una ciutat costièra de 31 000 abitants, coneguda per sas fonts termalas de proprietats terapeuticas, ont plòu mens de 50 jorns per an e ont la temperatura mejana ivernala es de 20 º°C.

Ancianament i aviá a l'oèst las tribús d'Isacar e Zabulon, e a l'èst la de Manasseh. Plini menciona una ciutat sus sa riba nomenada Tariquea e ditz que lo lac èra de còps que i a nomenat coma aquesta ciutat. Plaçat a la termièra entre [[Israèl]] e [[Siria]], dempuèi l'ocupacion israeliana de las nautors de [[Golan]], la riba orientala es complètament contrarotlada per aqueste estat, doncas Siria a perdut son accès al lac.