Discussion Wikipèdia:Presa de decision/Carta lingüistica : Diferéncia entre lei versions
Contengut suprimit Contengut apondut
Linha 367 :
:Es interessanta la Wikipèdia qu'ai aprés qual èra aqueste Gassendi que coneissiái pas, se tròba qu'èra curiosament un matematician provençal (coma Peiresc, quina coïncidéncia!) e soi content de veire que son los "italians" meteisses que se son avisats de la preséncia de ponchets dins l'article qualque temps aprèp qu'escriguèsse ma contribucion... sabiái pas qu'èri legit tant luènh! En esperar que Fermat venga cambiar las convencions de la Viquipèdia catalana e la Wikipedia anglesa per far trionfar lo SI, tant unanimament e universalament emplegat (vegèri d'articles en marcian e lo fan servir tanben...).
[[Utilizaire:Capsot|Capsot]] 19 d'oct de 2007 a 09:36 (UTC)
== Introduccion de honts de referéncia lingüistica dens la Carta lingüistica ==
Adishatz,
La Carta lingüistica actuau que precisa que Wikipèdia e valoriza la diversitat dialectau de la lenga nosta. Totun, aquesta diversitat ne'm sembla pas tostemps pro valorizada.
Que prepausi donc un vòte a prepaus de la modificacion o de l'addicion deus punts seguents a la Carta lingüistica; plan solide, un vòte '''especific''' (qad separat) entà cadun deus punts seguents:
:Modificacion deu paragrafe '''Nòrma classica''': <br>
* tèxte actuau: "Leis articles devon èsser escrichs en nòrma classica, nòrma que permet de notar totei lei varietats regionalas de l'occitan. La nòrma classica es ansin definida : es lo sistèma elaborat principalament per Loís Alibèrt, inicialament per lo lengadocian, e seis adaptacions ais autrei dialèctes. Lei preconizacions dau Conseu de la Lenga Occitana (CLO), que regularizan la codificacion d'Alibèrt e dei grands dialèctes, son d'aplicar dins la Wikipèdia occitana."
* proposicion d'arreformulacion: "Leis articles devon èsser escrichs en nòrma classica, nòrma que permet de notar totei lei varietats regionalas de l'occitan. La nòrma classica es ansin definida : es lo sistèma elaborat principalament per Loís Alibèrt, inicialament per lo lengadocian, e seis adaptacions ais autrei dialèctes. Se conselha d'aplicar lei preconizacions dau Conseu de la Lenga Occitana (CLO)."
:Addicion deu punt seguent: <br>
"Que cau honts lexicograficas qui hascan referéncia entà l'escritura d'articles sus Wikipèdia. Que's prepausan: <br>
- entau gascon: lo '''Dictionnaire français-occitan (gascon)''' (tòmes 1 e 2) editat per l'associacion ''Per Noste''; <br>
- entau lengadocian: lo '''Dictionnaire occitan-français selon les parlers languedociens''' de Loís Alibèrt, lo '''Dictionnaire français-occitan''' de Crestian Rapin, lo '''Diccionari general occitan''' de Cantalausa e lo '''Diccionari français-occitan''' de Crestian Laus.
Quan tau o tau forma presenta dens ua hont lexicografica ei contrària a las preconizacions deu CLO, lo contributor que pòt seguir la hont lexicografica qui'u sembla de miélher referéncia o las preconizacions deu CLO. <br>
- los contributors d'autes dialèctes que son invitats a prepausar honts lexicograficas correspondentas.
:Addicion deu punt seguent: <br>
"Quan un contributor e precisa dens quin dialècte a redigit un article, aquera mencion que pareish dens l'article. Que's modifica en cas de regularizacion dens un dialècte diferent deu dialècte iniciaument utilizat." <br>
''Comentari: Que's tròba, sus mantua Wikipèdia on son presentas divèrsas formas dialectaus, la mencion deu parlar dens lo quau l'article ei escriut. Har la medisha causa sus la Wikipèdia occitana qu'ei ua faiçon de valorizar la diversitat dialectau de la lenga nosta.
:Addicion deu punt seguent: <br>
"La reparticion territoriau de tau o tau mot o varianta de mot au nivèu dialectau o infradialectau, qu'ei sovent de mau determinar de faiçon precisa. Lo contributor qui coneish elements d'aquera reparticion que'us pòt indicar dens lo còs d'un article." <br>
''Comentari: Aqueths indics per incomplets qui sian que contribueishen a la difusion de coneishenças sus la lenga occitana. Vertat que com ac a dit Vivarés, que seràn tostemps incomplets, mes los autes contributors que'us poderàn completar, e que serà un element important de la valorizacion de la diversitat dialectau de la lenga occitan sus Wikipèdia.'' <br>
Coraument a tots, <br>
[[Utilizaire:Eòle|Eòle]] ([[Discussion Utilizaire:Eòle|d]]) 29 julhet de 2009 a 20.47 (UTC)
| |||