Pluma : Diferéncia entre lei versions

Las '''plumas''' (regvar. '''plomas''') son d'estructuras [[queratina|queratinosas]] de la [[pèl]] dels [[aucèl]]s. Son estructura es mai complèxa que la de las autras parts dels vertebrats coma las [[escatas]], lo [[pel]], las [[bana]]s, etc. Son fondamentalas per volar, que forman la superficia portadoira de l'[[ala]]. Lo plumatge forma una capa densa, isolanta, que protegís l'animal de l'aiga e del fred. Las plumas tenon a mai d'autras foncions ligadas a sa color e a sa visibilitat, coma la reconeissença entre membres d'una meteissa espècia, lo camoflatge, la diferenciacion de sexes e la seduccion.

Apareguèron las primièras plumas suls [[dinosaures]]. D'estudis recents an demostrat que lo [[Shuvuuia]], lo [[Microraptor]] e d'autres dinosaures descobèrts aquestes darrièrs ans avián de plumas o d'estructuras mai simplas: las ([[protoplumas]]). Las plumas avián al començament una foncion qu'aviá pas res de comun amb lo vòl. Probable que d'en primièr foguèron emplegadas per la termorregulacion e per la seduccion, coma uèi fan qualques [[aucèl]]s. Mai tardPosteriorament, los dinosaures arboricòlas adaptèron son emplec per poder planar, e puèi es probable que d'aquí sortiguèsse sa foncion essenciala actualament.