Ramon VI de Tolosa : Diferéncia entre lei versions

Contengut suprimit Contengut apondut
Cedric31 (discussion | contribucions)
Cap resum de modificació
Cedric31 (discussion | contribucions)
Cap resum de modificació
Linha 4 :
Segon la genealogia tradicionala dels comtes de Tolosa facha pels [[Benedictins]] dins l'Istòria Generala de [[Lengadòc]], seriá '''Raimon VI''', mas d’estudis critics an establit que dos comtes del pichon nom de Raimon èran estats omeses : seriá doncas '''Raimon (VIII)'''
 
Filh de [[Raimon V de Tolosa|Raimon V]] e de Constància, sòrre del rei [[Loís VII de França|Loís VII]], succediguèt a son paire en [[1194]]. Sul còp, restabliguèt la patz amb l'[[Reiaume d'Aragon|Aragon]] e [[Raimon- Rogièr Trencavel|Raimon- Rogièr Trencavel]]. Esposèt en tresenas noças [[Joana d'Anglatèrra (1165-1199)|Joana d'Anglatèrra]] a [[Roan]] en octobre de [[1196]].
 
A Tolosa, mantenguèt las libertats comunalas, multipliquèt las exempcions fiscalas e espandiguèt la salvetat a tot lo territòri comunal. Poèta e rafinat, aimava pas la guèrra mas mancava pas d'energia coma ne testimònia l'altercacion que l'opausèt al [[legat]] del papa, [[Pèire de Castelnòu]]. L'assassinat d'aqueste darrièr, lo [[15 de genièr]] de [[1208]], dont foguèt sulcòp acusat per la Glèisa, provoquèt son escomenge e l'apèl a la [[Crosada dels Albigeses|crosada]] lançat pel [[papa]] [[Innocenci III]]. Obtenguèt de n’èsser relevat en s'umiliant a [[Sant Geli (Gard)|Sant Geli]], lo [[18 de junh]] de [[1209]], davant l'avançada de l'armada crosada, dirigida per [[Arnaud Amaury]], abat de [[Abadiá de Cistèl|Cistèl]] e [[legat]] del papa.
 
Davant los succèsses daverats pels crosats (presa e chaple de [[Besièrs]], sèti e presa de [[Carcassona]] e mòrt de [[Raimon- Rogièr Trencavel|Raimon- Rogièr Trencavel]]), dirigits dempuèi agost de [[1209]] per [[Simon IV de Montfòrt]] e la menaça que faguèt pesar sus sa persona e son fièu l'ostilitat constanta dels legats del papa, cambièt de camp, foguèt tornarmai escomenjat (en [[1211]] pel [[concili de Montpelhièr]]) e temptèt d'organizar la resisténcia contra los crosats. Mai diplomata que guerrièr, poguèt pas entravar l'avança e la conquèsta de Tolosa per [[Simon IV de Montfòrt]]. S'exilhèt alara a la cort d'Anglatèrra.
 
Lo [[27 de genièr]] de [[1213]], Raimon VI rendèt omenatge a [[Pèire II d'Aragon]], omenatge que durèt fins a la [[batalha de Murèth]], lo [[12 de setembre]], al cors de laquala los crosats de [[Simon IV de Montfòrt|Simon de Montfòrt]], mai disciplinats, espotièron lo venceire de [[Batalha de Las Navas de Tolosa|Las Navas de Tolosa]], que foguèt tuat dins la batalha. Lo [[17 de febrièr]] de [[1214]], als òrdres de Raimon, son fraire [[Baudoïn de Tolosa]], qu'a participat a Murèth del partit dels crosats, es raubat de son castèl de [[Sant Laurenç Lolmia|Lolmia]] e pendut coma traite. En novembre de [[1215]] Raimon es a Roma, ont lo [[IVen concili de Latran]] debat del sòrt de son comtat.