Passejada dels Canèls : Diferéncia entre lei versions

Doas lausas a l'entrada de la passejada avián de traças gravadas. Una traça èra larga e grossièra e l'autra, detz lausas vèrs l'interior, prima e minuscula. Segon la legenda, al quartièr de "Bilbao La Vièlha" viviá una familha umila que sa filha èra fòrça bèla, d'aperaquí 18 ans. Los [[Alcolisme|alcòlics]] e los carpaires l'importunavan e lo [[Diable]] el-meteis semblava d'èsser entre els. La legenda ditz tanben que l'[[àngel gardian]] protegissiá la jova. L'epòca èra calamitosa e la manca d'aiga potabla aviá afectat irremediablament sa santat febla. Quand la jova èra subre lo ponch de morir, l'àngel la prenguèt dins sos braces. En sautant fòrtament, arribèt a la Passejada del Canèls, que i metèt sos pès e en fassent d'impuls(ion) dins una lausa, volèt cap a Miraflores, que i deviá emprene l'ascension. Lo Diable, que li preteniá arrancar l'arma de la jova, lo perseguiguèt e saltèt tanben fins a la passejada, en daissant gravada sa traça detz lausas enrèire. O poguèt pas atrapar e, furiós, s'amaguèt dins una [[balma]] vesina. Disson que, de temps en temps, quita la balma per temptar los mai pervèrs.