Mesolitic : Diferéncia entre lei versions

Lo '''Mesolitic''' es lo periòde situat a la fin del [[Paleolitic]] Superior, coma transicion entre aquela epòca e lo periòde [[Neolitic]], e sa data va tre 9000 avC fins a 6000 avC. Correspond a l'epòca postglaciala, qu'i cambièt lo [[clima]] e las costumas, e per aquò l'utillatge. Lo Mesolitic se devesís en doas fasas: l'[[Epipaleolitic]] (o fasa finala del [[Paleolitic]]) e lo Protoneolitic (periòde immediatament anterior al Neolitic o Edat dels metals). Pendent aquel periòde sorgisson los grands bòsques (en rason dels cambiaments climatics) e los animals grands coma lo [[mamot]], lo [[rinocèros]] lanut, l'[[Ursus spelaeus|ors de las cavèrnas]]. Lo [[rangièr]] migra. Per contra, lo [[cèrvi]], lo [[maguri]], lo [[sarrion]], la [[Capra pyrenaica]], lo [[singlar]] e lo [[cabiròl]] aumentan lor nombre e venon las pèças de caça principalas pr'amor que los bòsques fan malaisida la [[caça]] de las pèças grandas. Se caça tanben d'[[Ors (mamifèr)|orses]], de rainals, de gats de las montanhas, de taissons, d'autres [[mamifèr]]s pichons e d'[[ausèl]]s. Lo [[cagaròl]], pròpri dels climas umids e cauds, se multiplica e es manjat per milions. La [[pesca]] se desvolopa. L'òme pòt ara culhir una quantitat màger de fruches, doncas que fa pas de mestièr fòrça caça. Sortís de las [[balma]]s e bastís los primièrs luòcs d'abitacion [[ostal]]s (de [[fusta]] e de [[planta]]s), pròche dels [[riu]]s. Las costumas [[noiridura|alimentàrias]] novèlas modifican las caracteristicas fisicas de l'òme al Mesolitic. Pròche dels [[riu]]s s'es trapat mai d'una rèsta apelada talhèr de silex (pèira per far de fuòc), que se'n fasiá d'aisinas de caça. Per la caça s'utilizava principalament l'arc e las flèchas. L'art rupèstre d'aquesta epòca representa de batalhas d'arquièrs e de combats còs a còs, d'òmes nuses e de femnas qu'utilizan de faudetas acampanadas e que van nusas per dessús la centura, d'òmes amb de plumas sus la tèsta e de braçalets dins los braces, de femnas nautas e primas, de centura estrecha e de pelvis granda, de cambas fòrtas e de popas grandas e flaccidas que lor arribava fins al ventre; lor cofadura èra estrecha al centre e penjanta cap als costats. Se crei que cada grop aviá un [[bruèis]] representat per una figura que portava d'adorns als genolhs e segurament tanben als braces. Se fan de balhs rituals (probablament de rites de fertilitat o d'abondància).

 

 

Atal, cal considerar aquesta fasa coma una fasa inicialament ([[Epipaleolitic]]) de [[caçaires-culheires]] (al començament subretot caçaires) e puèi ([[Protoneolitic]]) de [[pastre]]s.