'''Carlos Gardel''', famós cantaire e autor [[argentina|argentin]] e [[uruguai]]an de [[tango]]. Qu'ei, de segur, nascut a [[Tolosa]] en [[Occitània]], lo l'[[11 de decembre]] de [[1890]] dab lo nom de '''Charles Romuald Gardès''' ( a maugrat d'ua controvèrsia suu lòc e la data de la soa neishença, devuda, mei que mei, a la necessitat entad eth, de viatjar dab documents faus per'mor de n'aver pas arrecotit en Euròpa entà har la [[Primièra Guèrra Mondiala|guèrra de 14]]), e que's morí en un accident d'avion a l'aeropòrt de [[Medellín]] en [[Colómbia]] lo [[24 de Junh]] de [[1935]].
La soa mair qu'emigrè en [[Argentina]] e Gardel que creishó a [[Buenos Aires]] en un quartièr nomentat pr'amor deu son marcat "El Abasto" (en vertat El Abasto que demora dens la quartièr oficiau de [[Balvanera]]). Per aquesta rason (e tanben per'mor qu'era moret) qur recebó lo chafre "el morocho del abastoAbasto" (qu'ei tanben coneishut com "el zorzal criollo", la trida argentina). La soa carrièra que comencè en duo dab lo cantaire "el oriental" [[José Razzano]]. Puish que hasó l'actor en Euròpa e en America e que tribalhè per la companhia americana [[Paramount]] ("El dia que me quieras", "Tango Bar", "Melodia de arrabal", "Cuesta abajo"). Aquestes filmesfilms que's filmèn aus Estats Units e en Euròpa, quitament quan l'accion e s'escad a Buenos Aires. Aquò que balhè lo parat a un mainatge nomat [[Astor Piazzola]] (lo famós compositor qui, alavetz, e s'estava aus Estats Units) de debutar au cinèma en ''El dia que me quieras''. Mantuns deus tangos que cantè Gardel en los sons filmes qu'èran òbras d'[[Alfredo Le Pera]].
Qu'ei sepelit au cemitèri de la [[Chacarita]] on los visitaires alucan ua cigarreta que hican enter los dits de la soa estatua. Que's morí joen e au som de la soa carrièra artistica.
