Mont Fuji

Lo mont Fuji (富士山), amb 3.776 mètres d'altitud, es la montanha mai nauta de tota l'illa de Honshu e de tot Japon. Se troba entre las prefecturas de Shizuoka e Yamanashi dins lo Japon central e just al ponent de Tòquio, d'ont se pòt observar un jorn desencrumit. Fuji es un estratovolcan.

Considerat territòri sagrat dempuèi l'antiquitat, i èra enebit per las femna d'i pujar a la cima fins a l'era Meiji (fin del sègle XIX). Uèi lo jorn es conegut coma una destinacion toristica, e per far alpinisme, mai que mai entre los meses de julhet e la fin d'agost.

Lo mont Fuji es un atractiu còn volcanic i es un tema recorrent dins l'art japonés. Lo trabalh amb mai renom es l'òbra màger 36 vistas del mont Fuji del pintor ukiyo-e Hokusai. Tanben apareis dins la literatura japonesa e es lo tema de fòrça poèmas.

Lo mont Fuji es classificat coma volcan actiu, mas presenta pauc de riscs d'erupcion. La darrièra erupcion enregistrada data de 1707 durant l'èra Hōei del periòd Edo. Se formèt alavetz un nòu crater e un segond pic (nomenat Hoeizan pel nom de l'èra).

Aprèp del sorgiment dels samurais al Japon feudal (del sègle XII al sègle XVI) comencèron a s'emplegar los caractèrs kanji actuals pel "Fuji". Fu (富) significa riquesa, mentre que ji (士) es "samurai". E san (山) significa montanha, lo nom complet es doncas Fujisan.