Bas-vivarés (parlar) : Diferéncia entre lei versions

Lo [[bas-vivarés (parlar)|bas-vivarés]] (BV) (o ''sud-vivarés'') es la varietat de [[lengadocian]] (qu'es un dialècte d[[occitan]]) en usatge dins la mitat meridionala d'[[Ardecha (departament)|Ardecha]], alh sud d'una linha que lo separa delh [[vivaroaupenc (dialècte)|vivaroaupenc]] (VA), e que vai delh [[Mont Mesenc]] a la vila de [[Ròchamaura]] en seguent ''grosso modo'' la cresta de [[Coiron]].

==Una classificacion lengadociana pas pro explicitada==

Coma [[Juli Ronjat|Ronjat]], se pòtpoiriá conclure de tot aquò que lo bas-vivarés es, maugrat lo darrièr trait, un parlar "lengadocian en ''cha''" (situacion parèira a aquela de la màger part delh [[gavaldanés (parlar)|gavaudanés]]). Lo bas-vivarés es la varietat nòrd-cevenòla delh lengadocian.

La classificacion delh bas-vivarés dins lo lengadocian es pas totjorn estada clara dins los obratges classics de lingüistica occitana:

* La ''Gramatica occitana segonsegón los parlars lengadocians'' d'[[Loís Alibèrt|Alibèrt]] (1935) precisa pas la descripcion delh bas-vivarés. Ditz simplament que los parlars de "[[Velai]] e [[Vivarés]] se son destacats del tipe lengadocian normal", afirmacion (gaire rigorosa) que s'explica per l'abséncia totala de documents disponibles sobre los parlars vivareses en aquela epòca.

* La ''Grammaire istorique [sic] des parlers provençaux modernes'' de [[Juli Ronjat|Ronjat]] classifica ben lo bas-vivarés dins lo lengadocian (cf. la p. 46 delh tòm IV, publicat en 1941), mas per de rasons geograficas e practicas, lo bas-vivarés i es presentat a la fin de la seccion consagrada alh vivaroaupenc.

* Los obratges posteriors de vulgarizacion occitanista, en particular aquelos de [[Pèire Bèc]] : ''La langue occitane'' (1963 e reedicions) e ''Manuel pratique d'occitan moderne'' (1973), en contunhant la gramatica d'Alibèrt, son pas totjorn clars sobre la classificacion delh gavaudanés, e son muts sobre aquela delh bas-vivarés. Las cartas d'aquelos obratges, en dessenhant l'isoglòssa ''ca/cha'', pòdon laissar creire que lo bas-vivarés e lo gavaudanés serián de varietats d'[[auvernhat (dialècte)|auvernhat]]. Lo problèma ven donc d'una manca de precision daus obratges. Mas en tot cas, gesGes d'obratge posterior a Ronjat classifica pas explicitament lo bas-vivarés.

En conclusion, la sola classificacion valida e explicita es aquela de Ronjat : bas-vivarés e gavaudanés son ben de parlars lengadocians, tenent los traits essenciaus delh lengadocian, e ont solament ''ca'' es passat a ''cha'', e ''ga'' a ''ja''.