La '''diarrèa''' (tèrme medical), sonada tanben l'escorrença o l'escorrement (tèrmes corrents), es pas una [[malautiá]] mas lo [[simptòma]] d'un tresvirament. Consistís aen l'evacuacion frequenta de matèrias fecalas aigosas, çò que provòca una absorcion bassa de liquids e substàncias nutritivas. La diarrèa ven generalament amb de dolor, de fèbre, de vòmit, de flaquesa o una pèrda de l'apetit. D'après las chifras de l'[[Organizacion Mondiala de la Salut]], la diarrèa es una de las causas principalas de mòrt dins los païses [[Sosdesvolopament|sosdesvolopats]] o del [[Tresen Mond]].
== Causas ==
Pòt èsser causada per una infeccion [[virus|virala]] o per de toxinas[[toxina]]s [[bacteria|bacterianas]], per una lesion, per una malautiá, per una [[allergia]], per una intolerància al [[glutèn]] ([[celiaquia]]), a la [[fructòsa]], a la [[lactòsa]]... o per un excès de [[vitamina C]]. Ven amb de dolor de ventre e de vòmit. La diarrèa arriba quand lo [[colon]] absorbís pas de fluide sufisent. Un colon damat o conflat pòt pas absorbir l'aiga e la matèria fecala ven aigosa. La diarrèa pòt condusir a una desidratacion grèva que pòt èsser mortala. Pòt tanben èsser un simptòma de [[malautiá]]s pus seriosas, coma la [[disenteria]], lo [[còlera]] o lo [[botulisme]] e pòt tanben èsser indicativa d'un sindròme cronic coma la [[malautiá de Crohn]]. Los pacients d'[[apendiciti]] an pas normalament de diarrèa mas aquela es un simptòma comun d'un apendix trincat. La diarrèa es tanben l'un dels efèctes de la contaminacion grèva per [[radiacion]]. Pòt èsser causada per la consomacion excessiva d'[[alcòl]]. Lo tractament terapeutic comun contra la diarrèa consistis a consomir d'aiga amb de [[Sal (quimia)|salassals]] mineralas essencialas, en quantitat sufisenta per remplaçar la pèrda dels liquids.
