Nil Blau

T'escrive perqué z-ai un dobte lingüistic per rapòrt a la prononciacion de l'auvernhat. 'Quò fai longtemps que parle l'auvernhat, e despuèi qu'anère vèrs l'Escòla Occitana d'Estiu, decidiguère de lo prononciar sens lo barrejar amb lo lengadocian, coma fasiá tanqu'alòr, per me faire compréne melhor. M'avisère qu'en parlar en auvernhat "auvernhat" lo monde me compreniá, alòr "arvernizère" completament ma prononciacion. Mes çò qu'ai jamai fait z-es prononciar l' "r" a la francesa, uvulara, puèis que per çò qu'ai legit, tanqu'au 19 sègle vèrs Auvèrnhe i aviá encara de luòcs ente n-òm "rolava" l'R". Pasmens, crese qu'anuèit i a pas paiun que la role, pas'rai? Alòr, jaquí mon dobte, 'quò-ei "corrècte" de parlar auvernhat en rolar l'R, o, dempeusnimens, aquò podriá genar quauques auvernhats e considerar que çò que parle z-es pas d'auvernhat?