Edat Modèrna : Diferéncia entre lei versions

|speriòdeab=[[Paleolitic]] [[Mesolitic]] [[Neolitic]]|speriòde=[[Edat del Coire]] [[Edat del Bronze]] [[Edat del Fèrre]]|speriòdeap=[[Antiquitat]] [[Edat Mejana]] Edat modèrna}}

 

 

Aqueu periòde se caracterizèt per lo creissement de l'importància de la sciéncia, per lo rapid progrès tecnologic e per lo desvolopament embrionari de la politica civila e de l'economia capitalista. La transicion de l'[[Edat Mejana]] a l'Edat Modèrna foguèt pas subta; lei fenomens principaus ligats a la modernitat (lo capitalisme, l'umanisme, leis nacions-estat e d'autrei) s'èran ja gestats dempuei annadas anterioras, encara que dau sègle XV au XVI la rapidesa dei cambiaments e la consolidacion d'aquestei fenomèns foguèron consideradas coma lo començament d'una epòca novèla. Lo procèssus de transformacion comencèt amb lo pas d'una economia agrària e rurala, basada sus un sistèma politic feudau, a una economia [[comèrci|comerciala]], mercantila e urbana, basada sus un sistèma politic organizat dins d'nacions-estat. Aquela revolucion començèt au sègle XII amb la consolidacion de mai d'una nacion-Estat e amb la conquista o la union d'autrei. L'actor sociau dau cambiament foguèt la [[borgesia]], que favorissiá l'umanisme, leis arts e leis innovacions tecnologicas e scientificas. Es politicament una epòca de predominança clara de la monarquia, amb d'embrions dei países actuals. Se produtz una expansion territoriala o colonialisme. I a un resorgiment dei ciutats, gràcias au comèrci e au melhorament dei comunicacions. La borgesia s'impausa progressivament coma classa dominanta. Se produsiguèt una creissença demografica considerabla, ligada a la descreissença de la mortalitat, gràcias au progrès scientific. La sciéncia, en fach, creis en prestigi e qualitat gràcias a la predominança de la rason, subretot dins lo periòde apelat [[Illustracion]]. I a tres estils artistics basics: la [[Renaissença]], lo [[Barròc]] e lo [[Neoclassicisme]]. Pendent l'Edat Modèrna lo poder de la religion descréis. Lei luchas religiosas continuan, e se produtz la reforma dau [[Protestantisme]].