Prion : Diferéncia entre lei versions

Un '''prion''' (de l'[[anglés]] '''''pr'''oteinaceous '''i'''nfectious particle '''on'''ly'')es una estructura autoreplicativa pas associada a ges de tipe d'[[acid nucleïc]]. Lei prions son de simplas estructuras [[proteïna|proteïcas]] fòrça mai simplas que lei [[virus]]. Lor replicacion se basa en la transmission de particulas presentas d'un òste infectat a un autre pas infectat. L'interaccion de particulas prionicas amb particulas presentas dins l'òste produsís un cambiament dins l'estructura tridimensionala de la [[proteïna]] en passant d'una forma sana e amb foncion especifica dins lei [[cellula]]s a una forma infectiva. Totei lei cases descrichs fins uèi son descobèrts dins lei [[mamifèr]]s. La transmission se produsís per ingestion de visceres o sistèma nerviós d'individus de la meteissa espècia (canibalism ritual en lo cas del kuru a [[Papua-Nòva Guinèa]]), o per consomacion entre d'individus de desparièras espècias, malgrat qu'es pas encara del tot plan demostrat qu'aquela transmission siá efectiva. L'infeccion per lo prion provoca dei malautias coma l'[[encefalopatia espongiforme]] o malautia de [[Creutzfeld-Jacobs]] produsint dei neurodegeneracions irreversiblas.