Fructòsa

La fructòsa qu'ei ua òsa (un glucid) exòsa (òsa de 6 carbònis) e cetòsa (qui ostenda un grop cetòna). Que possedeish la medisha formula bruta de la glucòsa (que son donc ambs isomèrs) C₆H₁₂O₆.

Formula e modèu de la fructòsa formant un cicle furanòsa

En solucion qu'adopta ua forma ciclica, sia furanòsa (forma majoritàtria dab 4 carbònis e un oxigèn), sia piranòsa (de 5carbònis dab un oxigèn).

La fructòsa qu'ei presenta, com lo son nom ac bemba, dens los fruts e la mèu.

Associada dab ua glucòsa per un ligam osidic, que produseih la sacaròsa (lo sucre de cosina).