Dempuèi la [[desfacha]] dins la [[guèrra francoprussiana]], en 1871 França perdèt [[Alsàcia]], e en fasent emplec de la possibilitat d'eleccion, en 1872 la [[familha]] d'Albert Dreyfus optèt per la nacionalitat francesa, e abandonèt la region. Alavetz lo joven Dreyfus, enque desirantdesirva veirde vèire un autracòp vegadamai una Alsàcia francesa, decidiguèt seguir la carrèra militara. En 1878 comencèt d'estudis a l'escòla politecnica e devenguèt oficial d'artilleria. En 1890 comencèt l'escòla de Guèrra e lo meteis an se maridèt amb Lucie Hadamard. En 1893 foguèt destinat a l'Estat Màger de l'armada dins lo Ministèri de la Guèrra coma capitani en practicas. En 1894 es acusat d'[[espionatge]]. Condemnat a deportacion, foguèt degradat lo 5 de genièr de 1895 e deportat a la preson de l'illa del Diable. L'escrivan [[Émile Zola]] s'impliquèt dins l'afar Dreyfus e publiquèt dins lo diari "L'Aurore" son famós ''[[Ieu acusi]] (Letra al President de la Republica)''. Lo 12 de julhèt de 1906, la Còrt de cassacion anullét definitivament lo jutjament. Foguèt reintegrat a l'Armada amb sos onors totes, e se retirèt amb lo grad de comandant.
