Almòdis de la Marcha : Diferéncia entre lei versions
(Pas cap de diferéncia)
|
Version del 10 decembre de 2007 a 01.11
Almodís de la Marca, vaduda 1020?, morta lo 1 noveme 1071, hilha de Bernad I, comte de la Marca, e d'Amélia e sòr de Lucia de la Marca, qu'estó comtessa de Tolosa e Barcelona per maridatge.
Maridatges
1-Vèrs 1038 dab Hugues V de Lusinhan, dab qui avó:
- Hugues VI de Lusignan (1039-1101), seigneur de Lusinhan.
Lo maridatge qu'estó anullat per de razons de consanguinitat.
2-Lo 1040 dab Pons III de Tolosa, dab qui avó:
- Guilhem IV de Tolosa.
- Raimon IV de Tolosa.
- Almodís de Tolosa, maridada lo 1066 dab Pèir I de Melguelh, comte de Melguelh.
3-Lo 1052 dab Raimon Berenguer I de Barcelona, dab qui avó:
- Raimon Berenguer II (1053-1082), comte de Barcelona.
- Berenguer Raimon II (1053-1097), comte de Barcelona.
- Agnès de Barcelona (vèrs 1056-1071), maridada lo 1070 dab lo comte Guigues VII d'Albon.
- Sança de Barcelona (vèrs 1057-1095), maridada vèrs lo 1069 dab Guilhem I de Cerdanha, comte de Cerdanha e Berga.
Biografia
Quan era enqüèra la hemna de Pons, lo 1052 huejó a Barcelona desempuish Narbona dab l'ajuda d'ua flòta enviada peu emir de Tortosa, tà's maridar dab Raimon Berenger de Barcelone. Los dus esposats qu'aparèishen dab los dus hilhs bessons hens ua carta l'an seguent. Lo papa Victor II los excomunicà per aqueste maridatge dinc lo 1065.
Lo maridatge dab lo comte de Barcelona que balhó a Raimon Berenguer drets sus lo Lengadòc e hasó mei hòrtas las relacions enter la casa de Barcelona e los territòris occitans. Almodís que conservó tanben de bons contactes dab los diferents marits e los nombrós hilhs; lo 1066, que la podem véder en Tolosa per lo maridatge de la soa hilha.
Raimon Berenguer I qu'avèva un hilh, Pèir Raimon, d'un maridatge anterior, qu'èra lo lor eretèr. Almodís qu'assajó de'u replaçar peus lors dus hilhs bessons; Pèir Raimon que l'assassinó lo 1071. Aqueste, donc, qu'estó deseretat e exiliat peu crime. Quan Raimon Berenger I morit elo 1076, Barcelona qu'estó governada per Raimon Berenger e Berenger Raimon, tots dus hilhs d'Almodís.