Mont Everest : Diferéncia entre lei versions

En causa de son [[altitud]], lo Mont Everest a un [[clima]] extrèm qu'es similar a aqueu dei [[clima polar|regions polaras]]. Lo mes pus freg es aqueu de genier amb una [[temperatura]] mejana de - 36 °C e lo pus caud es julhet amb una mejana de - 19 °C. Lei [[temperatura]]s mejanas son donc totjorn negativas e lei valors positivas son fòrça raras<ref>'''[[anglés|(en)]]''' John Ford Shroder Jr., ''Everest, Mount, mountain peak in the Himalayas of southern Asia, considered the highest mountain in the world'', Publinet Switzerland.</ref>. De junh a setembre, la [[montanha]] es somesa a la [[monson]] en provenància de l'[[Ocean Indian]]. Lei tempèstas son alora frequentas, çò que pòu menar a de [[precipitacion (meteorologia)|precipitacions]] importantas sota forma de [[nèu]]. De novembre a març, l'altitud dei corrents-jets dominants demenís e passa a la cima. Durant aqueu periòde, lei [[vent]]s pòdon agantar de [[velocitat]]s de l'òrdre de 285 km/h. Lei [[sason]]s intermediàrias son pus eissuchas. Son generalament chausidas per realizar l'ascension. Pasmens, lei condicions meteorologicas demòran sovent instablas e de tempèstas violentas pòdon aver luòc durant aqueu periòde. Per exemple, foguèt lo cas en [[1996]], çò que causèt la mòrt d'uech [[alpinisme|alpinistas]]<ref>'''[[anglés|(en)]]''' Anatoli Boukreev e G. Weston DeWalt, ''The Climb : Tragic Ambitions on Everest'', St. Martin's Press, 1997.</ref>.