Sargon II : Diferéncia entre lei versions
Contengut suprimit Contengut apondut
m Wikipedia python library |
Cap resum de modificació Balisa : Liens d’homonymie |
||
Linha 1 :
{{Dialècte Provençau}}
'''Sargon II''' es un sobeiran de l'[[Empèri Assirian]] que reinèt de [[-722|722]] a [[-705|705 avC]]. Succediguèt a [[Salmanazar V]] ([[-727|727]]-[[-722|722 avC]]) e foguèt remplaçat per [[Sennacherib]] ([[-705|705]]-[[-681|681 avC]]). Rèi usurpator, son rèine veguèt lo mantenement de la dominacion [[Empèri Assirian|assiriana]] en [[Mesopotamia]] gràcias a plusors victòrias militaras. Construguèt tanben una capitala novèla, [[Dur-Sharroukin]]. Pasmens, a sa [[mòrt]], Sargon II foguèt considerat coma maudit e la vila foguèt rapidament abandonada per son successor.
== Biografia ==
Sargon II es generalament considerat coma un rèi usurpator, [[generau]] de l'[[armada]] assiriana que reversèt [[Salmanazar V]] durant lo sètge de Samaria en [[-722|722 avC]]. Pasmens, la màger part deis istorians pensan que fasiá partida de la [[familha]] reiala siá (fraire de [[Salmanzar V]], cosin pus alunchat ?). Sa presa dau poder foguèt contestada mai Sargon II s'impausèt sensa dificultat. Son rèine es marcat per una importanta activitat militara qu'es relativament ben documentada.
Au començament de son rèine, esquichèt la revòuta dei províncias [[siria]]nas ([[Arpad]], [[Damasc]]...) e, en [[-717|717 avC]], conquistèt la vila itita de [[Karkemish]] e l'annexèt. En [[-714|714 avC]], ataquèt [[Urartu]] que foguèt durament batut. Se lei fortalesas foguèron pas presas per leis Assirians, lo territòri foguèt pilhat e l'armada de Sargon II se retirèt amb un butin considerable. L'annada seguenta, menèt una campanha en [[Anatolia]] que li permetèt d'avançar la frontiera assiriana fins au [[fluvi]] [[Halys]]. Puei, en [[-711|711 avC]], reprimiguèt una insureccion en Siria qu'èra sostenguda per [[Egipte]]. La repression foguèt saunosa e plusors vilas foguèron annexadas a l'[[Empèri Assirian|Empèri]]. En revènge, d'un biais paradoxau, Sargon II foguèt ben acceptat per lei [[Babilònia|Babilonians]]. La fin de son rèine se concentrèt sus lo renforçament dei frontieras orientalas amb plusors combats còntra [[Elam]] e lei [[Medes]].
En parallèl, Sargon II melhorèt l'eficacitat de l'administracion e deis institucions dau reiaume fondadas per [[Teglath-Phalasar III]] ([[-745|745]]-[[-727|727 avC]]). Per assaiar d'estabilizar lo territòri assirian, organizèt lo desplaçament deis enemics venguts e lor remplaçament per de [[colonialisme|colons]] assirians. Au nivèu [[economia|economic]], construguèt d'infrastructuras [[agricultura|agricòlas]] ([[aigatge]], [[canaus]]...) e favorizèt lo desvolopament dau [[comèrci]]. [[Politica]]ment, fondèt una [[capitala]] novèla, [[Dur-Sharrukin]], e construguèt la [[bibliotèca]] de [[Niniva]].
Sargon foguèt tuat durant una [[batalha]] dins lei [[Monts Taurus]] en [[-705|705 avC]]. Batuda, l'armada assiriana foguèt pas capabla de recuperar sa despolha. Sargon II foguèt donc enterrat. En consequéncia, foguèt considerat coma [[malediccion|maudit]] e [[Dur-Sharroukin]] foguèt rapidament abandonada per son successor<ref>Aquel abandon foguèt favorizat per la volontat de [[Sennacherib]] de fondar la sieuna capitala per renforçar sa legitimitat.</ref>.
== Annèxas ==
=== Liames intèrnes ===
* [[Empèri Assirian]].
* [[Mesopotamia]].
* [[Sennacherib]].
=== Bibliografia ===
* '''[[francés|(fr)]]''' Josette Elayi, ''L'Empire assyrien : Histoire d'une grande civilisation de l'Antiquité'', Perrin, 2021, pp. 152-171.
* '''[[alemand|(de)]]''' Andreas Fuchs, « Sargon II », dins ''Reallexikon der Assyriologie und Vorderasiatischen Archäologie'', vol. XII/1-2, 2009, pp. 51-61.
* '''[[francés|(fr)]]''' Pierre Villard, « Sargon II », dins Francis Joannès (dir.), ''Dictionnaire de la civilisation mésopotamienne'', 2001, pp. 756-758.
=== Nòtas e referéncias ===
<references/>
[[Categoria:Empèri Assirian]]
| |||