Automobila : Diferéncia entre lei versions

La [[concepcion d'una automobila]] es lo trabalh d'una còla pluridisciplinària compausada d'[[engenhariá|engenhaires]], d'especialistas de l'[[ergonomia]], d'estilistas interiors e exteriors, de modelistas e d'especialistas de la [[marcatica]]. Aqueu procès conoguèt d'evolucions importantas dempuei lo sègle XIX. Uei, l'[[estilisme]] i ocupa una plaça centrala car permet de realizar una projeccion dei demandas dau mercat. Pasmens, es acompanhat per d'especialistas de la [[concepcion e la fabricacion assistidas per ordinator]] ([[concepcion e la fabricacion assistidas per ordinator|CFAO]]) e per d'[[engenhariá|engenhaires]] encargats d'estudiar lei constrenchas mecanicas dau projècte. L'ensemble deis informacions obtengudas mena a la redaccion dau [[quasèrn dei cargas]] tecnic.