Esclavatge : Diferéncia entre lei versions

==== Lo comèrci triangular ====

 

 

Lo [[comèrci triangular]] apareguèt dins la premiera mitat dau sègle XVI. Son principi es pron simple. Leis Europèus exportavan de produchs artesanaus en direccion deis Estats africans vendeires d'esclaus. Au contrari d'una opinion frequenta, lei produchs exportats èran de qualitat ([[arma de fuòc|armas de fuòc]], [[metau]]s, [[otís]], [[textil]]s, [[joièu]]s...) e lei negociacions èran pas totjorn simplas<ref>Pasmens, en causa dau nombre important d'esclaus disponibles a la venda, lo còst unitari d'un esclau èra generalament relativament feble. Per exemple, en 1672, lo còst mejan d'un esclau vendut dins lo pòrt d'Ouidah èra de 192 liuras. Un sègle pus tard, èra de 480 liuras.</ref>. En cambi, obtenián d'esclaus destinats ai plantacions o ai minas americanas. Puei, lei colonias exportavan de produchs coloniaus ([[sucre]], [[tabat]], [[cafè]], [[cacau]], [[metau]]s preciós...) en direccion d'[[Euròpa]]. Lei marchands que participavan a aqueu trafeg èran normalament especializats dins un tipe donat de trajècte. En particular, lo transpòrt d'esclaus demandava l'usatge d'un [[naviri]] especializat, lo [[negrier (naviri)|negrier]]. En causa dei perilhs de la navegacion (tempèstas, [[corsari]]s...), dei riscs de revòutas e dei problemas sanitaris (epidemias dins lei negriers...), lei beneficis èran pas assegurats<ref>Fins au sègle XVIII, lei taus de rendabilitat superior a 10% sus una expedicion negriera semblan excepcionalas. Aumentèron fòrça a partir dau sègle XVIII gràcias ai progrès de la navegacion e de la medecina. D'efiech, de taus de 30 a 40% de rendabilitat venguèron frequents durant lo sègle XVIII. Durant lo darrier periòde dau comèrci triangular, au sègle XIX, abòrd d'expedicions agantèron de taus de 100%.</ref>.