Esclavatge : Diferéncia entre versions

2 179 octets aponduts ,  fa 1 mes
 
Inicialament, leis autrei flòtas participèron pas ai patrolhas còntra lei negriers e la tracha continuèt dins la clandestinitat. Per exemple, la darriera expedicion negriera francesa quitèt [[Le Havre|lo Havre]] en 1847. Pasmens, a partir de la fin deis [[ans 1820]], lo trafec negrier foguèt pauc a pauc trebolat. L'enebiment de la tracha per [[Portugal|Portugau]] (1839) e [[Brasil]] (1850) marquèron doas datas importantas dins sa disparicion definitiva en 1867. Dins l'[[Ocean Indian]] e lo [[Golf Persic]], la tracha declinèt fòrça a partir de 1847 amb son enebiment per l'[[Empèri Otoman]].
 
==== L'abolicion de l'esclavatge ====
 
L'abolicion de l'esclavatge eu meteis foguèt la seguida de l'enebiment de la [[tracha negriera|tracha]]. Se turtèt sovent a l'oposicion dei marchands coloniaus e la màger part dei lèis abolicionistas preveguèron d'indemnitats per compensar lei proprietaris d'esclaus. Dins certanei cas, la liberacion foguèt progressiva per assaiar de mantenir en plaça leis estructuras economicas existentas. [[Anglatèrra]] foguèt la premiera poissança majora qu'adoptèt una lèi abolicionista en 1833. [[França]] l'imitèt en 1848.
 
Pasmens, dins d'autrei país, lei resisténcias foguèron pus importantas. Ais [[USA|Estats Units]], la question de l'esclavatge cristallizèt una partida dei tensions entre lo Nòrd e lo Sud. La victòria nordista a l'eissida de la [[Guèrra de Secession]] (1861-1865) entraïnèt son abolicion. Pasmens, per tornar integrar lei rebèls sudistas, de lèis limitant lei drechs dei populacions negras foguèron lèu adoptadas. En [[Brasil]], l'abolicion definitiva aguèt pas luòc avans 1888.
 
En [[Africa]], l'esclavatge foguèt sovent abolit per leis autoritats colonialas. Pasmens, lo trabalh fòrçat i demorèt fòrça frequent e la màger part deis [[Estat]]s africans aboliguèron tornarmai l'esclavatge après lor independéncia. En [[Asia]], lo movement abolicionista foguèt pus tardiu : 1895 en [[Tailàndia]], 1909 en [[RPC|China]], 1923 en [[Afganistan]], 1926 en [[Nepal]] e 1929 en [[Iran]]. Dins aquò, en causa de l'afondrament dau poder centrau chinés, au mens quatre d'enfants esclaus èran encara recensats dins lo país en 1930. En [[Orient Mejan]], l'esclavatge foguèt abolit entre 1950 e 1970 mai remplaçat per un sistèma de pairinatge que presenta mai d'una similitud.
 
Dins lo mond modèrne, l'esclavatge es desenant oficialament enebit dins la quasi totalitat dei país. L'excepcion principala es [[Mauritània]]. D'efiech, s'una lèi foguèt adoptada en 1981, son decrèt d'aplicacion intrèt jamai en vigor car la lèi foguèt jutjada contrària a l'[[Alcoran]] (qu'accèpta l'esclavatge). En 2000, lo nombre d'esclaus dins lo país èra encara estimat a {{formatnum:100000}}.
 
==Lo comèrci negrièr ==
4 951

cambiaments