Esclavatge : Diferéncia entre versions

863 octets aponduts ,  fa 1 mes
==== Lei temptativas de regulacion de l'esclavatge europèu ====
 
En despiech de sa generalizacion dins la màger part dei colonias, l'esclavatge foguèt pas acceptat per la totalitat deis opinions publicas europèas, compres dins lei mitans colonialistas. Una partida dau [[clergat]] [[cristianisme|crestian]], dau movement [[umanisme|umanista]] o dei [[filosofia|filosòfs]] dei [[Sègle dei Lutz|Lutz]] i demorèt ostila. Per exemple, dins lo cas [[França|francés]], la lèi de 1315 qu'enebissiá l'esclavatge dins lo Reiaume foguèt pas abolida. En revènge, foguèt pas estenduda ai [[colonialisme|colonias]]<ref>Ansin, fins a l'abolicion definitiva de l'esclavatge en [[França]] en 1848, tot esclau arribat en metropòli èra considerat coma un domestic au servici de son mèstre.</ref>. De mai, lei [[govèrn]]s centraus europèus èran maucontents de l'autonòmia presa per lei [[colonialisme|colons]].
 
A partir dau sègle XVII, de tèxtes foguèron donc adoptats per regular l'esclavatge e l'integrar dins lo [[drech]] deis [[Estat]]s. Lo [[Còdi Negre]] preparat per [[Jean-Baptiste Colbert|Colbert]] e sei fius es lo tèxte pus famós d'aquel ensemble. Pasmens, es tanben possible de citar lei lèis anglesas coma lo [[Slave Trade Act (1788)|Slave Trade Act de 1788]] que s'interessèt au melhorament dei condicions de transpòrt dins lei [[negrier (naviri)|negriers]]. D'una maniera generala, aquelei reglementacions definiguèron l'estatut de l'esclaus, lei drechs de sei mèstres e organizèron l'afranquiement. S'interessèron tanben ai questions relativas au maridatge, a la possession deis enfants e a lor estatut (esclau o òme liure ?).
 
==Lo comèrci negrièr ==
4 962

cambiaments