Energia : Diferéncia entre lei versions

L'[[energia intèrna]] es l'energia contenguda dins un [[sistèma termodinamic]]. Es egala a la [[addicion|soma]] de l'[[energia cinetica]] de cada entitat elementària de [[massa]] non nulla e de totei leis [[energia potenciala|energias potencialas]] d'interaccion d'aqueleis entitats. Correspònd donc a l'energia intrinsèca dau sistèma au nivèu microscopic. L'energia cinetica ò potenciala au nivèu macroscopic es exclucha d'aquela [[grandor fisica|grandor]]<ref>'''[[francés|(fr)]]''' P.W. Atkins, ''Chaleur & Désordre - Le Second Principe de la thermodynamique'', colleccion L'univers des sciences, Belin/Pour La Science, 1987.</ref>. En causa de la complexitat deis interaccions entre leis entitats elementàrias d'un [[sistèma fisic|sistèma]], es impossible de calcular la valor de l'[[energia intèrna]] d'aqueu sistèma. En revènge, es possible de mesurar sa variacion qu'es liada ai cambis d'energia, sota forma de [[trabalh (fisica)|trabalh]] ò de [[calor]], entre lo sistèma e lo mitan exterior.