Energia : Diferéncia entre versions

934 octets aponduts ,  fa 2 mesos
 
=== L'energia quimica ===
 
[[Fichièr:Velp-thermitewelding-1.jpg|thumb|right|[[Fotografia]] d'una [[reaccion quimica|reaccion]] [[aluminotermia|aluminotermica]], un exemple de [[reaccion exotermica]] utilizada per [[soudadura|soudar]] doas pèças [[metal|metallicas]].]]
 
{{veire|Liame quimic}}
 
L'[[energia quimica]] es la forma d'energia qu'es mesa en jòc dins l'establiment dei [[liame quimic|liasons quimicas]]. Lo ròtle d'aquela energia s'obsèrva durant lei [[reaccion quimica|reaccions quimicas]]. En particular, permet de descriure lo mecanisme reaccionau permetent d'obtenir un produch a partir d'un reactiu. Permet tanben d'explicar lo caractèr [[reaccion endotermica|endotermic]] ò [[reaccion exotermica|exotermic]] d'una [[reaccion quimica|reaccion]]. D'efiech, coma l'establiment d'una [[liame quimic|liason quimica]] necessita una certana quantitat d'energia, la rompedura e la formacion de liasons durant una reaccion son acompanhadas per de fenomèns d'absorpcion ò de liberacion d'energia.
 
Ansin, dins lo cas d'una [[reaccion endotermica]], l'energia dei liasons dei produchs de la reaccion es superiora a aquela dei reactius. Per aver luòc, aquela reaccion a donc besonh d'un apòrt exterior d'energia. Dins lei fachs, aquò se tradutz per una consumacion de [[calor]] que pòu entraïnar un refrejament marcat dau mitan reaccionau ò de son environament. Dins lo cas d'una [[reaccion exotermica]], es l'efiech opausat qu'es observat. L'energia dei liasons dei produchs es inferiora a aquela dei reactius. L'excès d'energia es donc liberat sota forma de [[calor]]. Aqueu fenomèn entraïna una aumentacion de la [[temperatura]] dau mitan reaccionau ò de son environament.
 
=== L'energia intèrna ===
59 229

cambiaments