Republica : Diferéncia entre lei versions
Contengut suprimit Contengut apondut
Linha 11 :
La republica es probablament apareguda dins lo [[Mar Mediterranèa|bacin mediterranèu]] mai aquò es mau segur en causa de la manca de documents [[escritura|escrichs]] sus l'[[istòria]] anciana de mai d'una region dau mond. Pasmens, lei regims republicans son nombrós dins aquela region durant l'[[Antiquitat]], especialament dins lei [[ciutat-estat|ciutats-estats]] [[Grècia|grègas]]. Sovent dirigidas per de [[monarquia|rèis]] a sa fondacion, aquelei [[vila]]s se dotèron pauc a pauc d'institucions novèlas. Aquela transicion es pas totjorn clara. Per exemple, segon la [[tradicion]], la [[monarquia]] [[Atenas|atenenca]] dispareguèt au [[sègle IX avC]] per laissar la plaça a una magistratura ereditària, l'[[arcont]]at. Puei, entre [[-750|750]] e [[-650|650 avC]], aquela foncion venguèt electiva e un comitat de nòu [[arcont]]s formèt l'institucion suprèma de la vila.
Dins aquò, la republica pus famosa de l'[[Antiquitat]] foguèt la [[Republica Romana]]. Segon la [[legenda]], foguèt fondada en [[-509|509 avC]] après lo reversament de la [[monarquia]]. Foguèt a l'origina dau tèrme republica que provèn de l'expression [[latin]]a ''res populica'' (la « causa dau pòble » en [[occitan]]). Aqueu regim èra vist coma opausat au ''regnum'' ò « proprietat dau rèi » per lei [[Empèri Roman|Romans]]. Pasmens, coma per la màger part dei republicas [[Antiquitat|anticas]] e [[Edat Mejana|medievalas]], aquela nocion èra pas liada a aquela de [[democracia]]. Ansin, la [[Republica Romana]] demorèt un regim [[oligarquia|oligarquic]], maugrat quauquei duberturas progressivas, fins a son remplaçament per l'[[Empèri Roman|Empèri]].
=== L'utopia republicana ===
| |||