Republica : Diferéncia entre versions

1 018 octets aponduts ,  fa 3 mesos
 
Lei foncions ereditàrias èran pas raras dins lei republicas [[Antiquitat|anticas]] e [[Edat Mejana|medievalas]], especialament aquelei contrarotladas per l'[[aristocracia]]. Pasmens, d'un biais generau, lei republicas tènon un nombre fòrça importantas de foncions non ereditàrias. De mai, aquela tendància a pres pauc a pauc mai d'importància e lei pòstes ereditaris, venguts fòrça rars, son desenant considerats coma d'arcaïsmes mantenguts en plaça per la [[tradicion]] ò de signes de [[dictatura]]<ref>Per exemple, es lo cas de la [[Corèa dau Nòrd]] onte, dempuei la fondacion de l'[[Estat]], totei lei caps dau país son eissits de la meteissa familha.</ref>.
 
En l'abséncia de procès ereditaris, l'eleccion es sovent utilizada per designar lei caps e lei parlamentaris d'un Estat republican. Pasmens, au contrari d'una opinion frequentament admesa, aquò establís pas necessiàrament un regim [[democracia|democratic]]. D'efiech, durant l'[[Antiquitat]] e l'[[Edat Mejana]], la màger part dei republicas èran de regims aristocratics amb un drech de vòte limitat a un elèit pichon. Puei, durant lei sègles XVIII e XIX, lo vòte foguèt sovent limitat per un [[cens]] que permetiá de redurre lo còrs electorau a una minoritat aisada. Existiá tanben de sistèmas d'assembladas multiplas encargadas d'elegir lei membres deis assembladas de nivèu superior. Aquò permetiá de redurre fòrça l'influéncia dau [[sufragi universau]]. Aquelei trachs arcaïcs an desenant largament disparegut. Pasmens, pòdon encara s'observar dins certanei republicas modèrnas. Per exemple, es lo cas de l'eleccion dei senators en [[França]] ò dau president deis [[USA|Estats Units]].
 
== Tipes principaus de republicas ==
59 229

cambiaments