==== L'origina e lo desvolopament de la ciutat ====
Lei reflexions [[politica]]s de Platon son principalament desvolopadas dins ''[[La Republica]]'', ''[[Lo Politic]]'' e ''[[Lei Lèis]]''. Per eu, l'[[Homo sapiens|òme]] èraes pas, au contrari de l'afiermacion d'[[Aristòtel]], un « animau politic » : ''« Tot òme es per tot òme un enemic »''<ref>Platon, ''Lei Lèis'', 626 c.</ref>. Ansin, Platon considèra que lo ròtle de la [[politica]] es de crear l'unitat, per la [[vertut]] e per l'[[educacion]]<ref>'''[[francés|(fr)]]''' Monique Dixsaut, ''Platon'', Vrin, 2012, p. 216.</ref>. Quant a l'aparicion de la Ciutat, Platon pensa qu'es una consequéncia de l'[[economia]]. Aqueu modèl auriá permés de facilitar lo trabalh de produccion gràcias a la division dei pretzfachs. Puei, après una fasa de creissença de la Ciutat, seriá aparegut lo grop dei guerriers qu'es encargat de protegir la Ciutat e sei [[lei|lèis]].
