Platon : Diferéncia entre lei versions

La vision [[cosmologia|cosmologica]] de Platon es principalament presentada dins ''[[Timèu (Platon)|Timèu]]'' e dins ''[[Parmenid (Platon)|Parmenid]]''. Son element pus important es sa cresença dins l'existéncia d'un [[demiürge]] fondamentalament bòn car liat a la [[racionalisme|racionalitat]]. Diferenta dei dieus olimpians [[tradicion]]aus, aquela [[dieu|divinitat]] èra pas gelosa. Son ròtle èra de faiçonar lo mond en ordenant la [[matèria]] e en se retirant après l'acabament de son trabalh. Se fau nòtar que per Platon, la [[matèria]] èra compausada de quatre elements qu'èran associats a de formas [[geometria|geometricas]] : lo [[fuòc]] amb lo [[tetraèdre]], la [[tèrra (element)|tèrra]] amb l'[[exaèdre]], l'[[aire]] amb l'[[octaèdre]] e l'[[aiga]] amb l'[[icosaèdre]]. Aquela particularitat permetiá d'interpretar lei fenomèns observables coma lo resultat de l'interaccion, exprimibla en tèrmes [[matematicas|matematics]], entre lei compausantas deis elements que lei constituisson.